[maged-syrian]

كاتب النص الأصلي : الحاج متولي

أخي الكريم ماجد
أنا بتشكر ردك كتير ...ويلي هو بالحقيقة .....مطلوبي ومطلوب العقل

الله يسلمك

كاتب النص الأصلي : الحاج متولي

أنا من الأول ما نطرح موضوع الشذوذ ....سواء بهادا الموضوع أو بغيروا ...كنت ومازلت عم بقول إني هي إما حالة مرضية أو حالة لا أخلاقية

ممتاز حكيك مظبوط

كاتب النص الأصلي : الحاج متولي

بس الاخ سيريان غاي ...مُصِر إني هو حالة طبيعية .....ومو لازم حدا يهينوا ويقول إني هدا شذوذ ...أو حالة مرضية ...أو حالة لا أخلاقة.......وهادا يلي انا عم حاول كنت ناقش فيوا

هادا رأيو الشخصي .. وكل واحد حر برأيه الشخصي ورأيه الشخصي لايسمن ولايغني من جوع مو هيك !!

كاتب النص الأصلي : الحاج متولي

أنا ما بنكر إني في بادئ الأمر كنت هاجم عليه من أول ما دخل المنتدى ...بس بوقت يلي ناقشتوا بموضوع المثلية ...و إني هادا عبارة عن أولاً حرام ...وثانياً لا أخلاقي ...وثالثاً مرضي .......مارضي أو إعترف باي شي من هالاشياء يلي الكل بيعترف فيها ..ساعتها صرت أهاجموا لإني متل ما قلت ....إذا كان الواحد في حالوا مو مشكلة ....يصطفل منوا لربوا [/q

كاتب النص الأصلي : الحاج متولي

بس مشكلتوا لسيريان جاي إني هو عم يعترف قدام الكل إني جاي .....وعيشتوا جاي .....وبدوا يانا إني نحنا نعترف بموضوع الشذوذ

هلأ على حسب مافهمت أن الرجل ماعم يتفاخر بالعكس هو عم يشرح طبيعتو الجنسية وأن هو أجا على هالدنيا وهو على هالحالة للاشخاص الطبيعيين امثالي وامثالك مشان نحنا نكون فكرة جيدة وعقلانية عن المثليين ونتفهم وضعهم نحن مغايري الجنس !! ومانهمش هاي الطبقة من المجتمع حتى ولو كان عددها قليل !! وماشفتو فرض رأيو على أي شخص آخر !! وكمان الرجل بدو يعيش حياتو مو معقول أنه يكون منعزل عن العالم الخارجي لأن الله خلقه هيك !!

كاتب النص الأصلي : الحاج متولي

........وبهيك معناتا هو يلي عم يحاول يطرح موضوع للنقاش ...واي إنسان بيطرح موضوع للنقاش حتى لو كان مقتنع فيوا فلازم يتقبل الصح و الغلط .....مو يتمسك برايوا وما يناقش بعقلانية ..وأخلاقية...

والله انا ماشفت اي موضوع لسيريان غاي فرض فيه آرائه على الغير بشكل قسري!! ... بالعكس دايماً ردود هالشخص محترمة وهو شخص محترم والمحترم بينحط على العين والراس بغض النظر عن تكوينه الجنسي وميوله الجنسية (أهم شي الأخلاق وحسن التعامل مع الآخرين) .. بالاضافة الى أني ماشفت أي موضوع فاضح فيه خدش للحياء العام لهذا الشخص !! واذا عندك شيء ينقض كلامي ياريت تجبلي دليل!!
على فكرة : أنا ماعم دافع عن هاد الشخص ومابعرفه ولا بحياتي شفته بس كلمة الحق لازم تقال
وباعتباره غريب علي ومابعرفه غير عن طريق المنتدى فأموره الخاصة لاتهمني سواء كان غاي او غير غاي لأن كل واحد عقله براسه بيعرف خلاصه .. وكل شخص بيعرف مصلحته سواء اكان غاي او غير غاي ... انا فقط بهتم لأموره الخاصة في حالة كان في بيني وبينو صلة قرابة أو صديق عزيز ... غير هيك بالنسبة للأمور العامة الشخص طول مانه محترم فهو على العين والراس .. المحترم يحترم بغض النظر عن أموره الخاصة (أمور دينية أو ميول جنسية أو أي شيء آخر )

كاتب النص الأصلي : الحاج متولي

ومتل ما هو إلوا رايوا الخاص ..فهادا من حقوا ...وأنا كمان إلي رأيي الخاص ..وحر فيوا

اذا كان للأنسان رأي خاص لايؤذي به مشاعر الاخرين فلا مانع من طرح هاذا الرأي على الآخرين .. أما إذا كان الرأي الخاص مؤذي ويتدخل بشؤون الآخرين بشكل فاضح فيجب منع هذا الرأي .. لأن حرية الأنسان تنتهي عندما تبدأ حرية الآخرين !!

كاتب النص الأصلي : الحاج متولي

وعلى كل الأحوال مشكور لردك

أهلا وسهلا فيك .... على آمل انشالله نستمر دائما بالحوارات الراقية الهادفة والمنطقية بعيداً عن التجريح