موضوع مشوق جدا والنقاش فيه كان مشوق كمان!!
انا من وجهة نظري انو هاد كلام فاضي .
هاي فكرة الاختلاط بين الجنسين بالعمل او بالمدرسة هي خط احمر ما حدي لازم يحاول يلعب عليه
الله اكيد ما كان غلطان لما خلقنا جنسين مختلفين, ولو كان بدو ايانا نلتقي مع بعضنا كان خلقنا جنس واحد
بس المشكلة انو هلق في كتير عالم صايرين عما يحاولو يقلدو الغرب ومفكرين انو هادا الحل الصح . وهني بهالوقت ما عرفانين انو الغرب هني الي تعلمو كلشي منا .
المهم انا برأي انو لازم نحن نمنع بكل الطرق الاختلاطات بين الجنسين ( بعدين بتصير المراة معد بتحن عجوزا ومعد بيضل عندا انوثة؟؟؟) ولازم اسا نخلي جميع الدوائر الرسمية فيا فروع للذكور وفروع للاناث. او بلا فرع للاناث . لانو ما بيصير يطلعو من البيت . خلص منلغي قسم النساء وبيصيرو بس الرجال الي مسمحلون يروح عالدوائر الرسمية
وبهالحالة النسوان بيصيرو يهتمو اكتر ببيتون وبولادون وبيصيرو يطبخو اطيب
هدول الداعين للاختلاط بين الجنسين اكيد عالم ما بيعرفو شي عن سيئات اللقاء بين الجنسين . وانا بنصحون انون يحاولو يشوفو شو صاير بالبلاد الي ما عندون مشكلة بهيك شغلات
بيصيرو بعدين العالم يقولو عنا متحضرين وفهمانين ومثقفين
ونحنا ابعد ما نكون عن هيك شغلات
ونحنا بيطيب علينا الموت على انو نصير منفهم
واسا بيجيك واحد بيقول انو فايت عالمنتدى لانو النفس الانسانية ضعيفي؟
لك اخخخخخخ
دمتم لتخلفكم( سعدو يفك اسرك يا ابو النسيم)