[محمد ابراهيم]

كاتب النص الأصلي : Nathalie

تاني مرة لمن بدك تحكي عني بتقتبس لو سمحت، أنا أخت مو أخ يا عزيزي. أنا بعرف إنه غوانتانامو بكوبا، وأشرت في مداخلتي بأنه أمريكا تحايلت على القانون وبنت السجن في أرض غير أمريكية لا تخضع للقوانين الأمريكية لحتى ما حدا يحاسبها. اقرأ منيح خيو...

سمعاً وطاعةً سيدتي رح اقتبس تاني مرة
انا أسف جدا عموضوع اخ بس انتي ما حاطى جنسك بالمعلومات الشخصية عنك بالمنتدى (اذا الموضوع مو مهم بالنسبة الك حطيه مشان يظهرجنب اسمك انك اخت مو اخ
*بس توضيح بسيط : امريكا بنت السجن على ارض كوبا حتى لا يحاسبها الامريكيون وفقا للقوانين الامريكية ,
انا بس حبيت اذكر هالموضوع لاوضح الفرق بين القوانيين في الدول الرأسمالية وبينها في الدول الاشتراكية

وعلى فكرة يا حلو، هم "التمنية" العظماء مو السبعة. تتكون مجموعة الدول الثمان اقتصاديا من المملكة المتحدة، الولايات المتحدة، كندا، فرنسا، إيطاليا، ألمانيا، اليابان وروسيا. وبخصوص نهجهم فهدول مطعمين العالم خ** بعيدن عنك بسياسات العوملة تعيتهم والخصخصة والlobbycracy وغيره. وحاليا أنا بدرس الموضوع وللآن حاقدة عليهم، فما تواخزني على حدة اللهجة يا أخي.

كل الصبايا بتقول عني حلو
عفكرة هما العظماء سبع ولو رجعتي لدخل الفرد في روسيا رح تعرفي ليش مو عظيمه (متاخر جدا جدا)
هو اقتصاد روسيا اقتصاد واعد خصوصا بعد الاتجاه ناحية الرأسمالية (بيني وبينك شكلو الموضوع ترضية لروسيا)
بالنسبه للخصخصة انا شايفها حل عظيم طالما بعيد عن قطاع الامن(الشرطة والجيش) وعن قطاع الصحة وعن قطاع التعليم , أما عن العولمة أضرارها اكبر من نفعها بكتير (انا بوجه دعوة من هون للحذر من العولمة وبدعو ايضا ان تدرسوها ) اعتقد ان العولمة مصيدة لدول العالم التالت (كرأي شخصي)

أما بدول الاتحاد السوفييتي فحسب ما بعرف الناس كاينين ماكلين روح الخل بس هاد كان بسبب الأخطاء الي ارتكبت وتحول الاتحاد إلى رأسمالية الدولة، وهذه الأخطاء أدت بالنهاية لانهيار الاتحاد السوفييتي. لذلك أنا ما بدافع عن العديد من ممارسات الاتحاد السوفييتي، مع إنه بنظري حاليا وجود قوة أخرى غير أمريكا أمر ضروروي لكي لا تتأرج الكفة باتجاه واحد فقط (بس هاد موضوع تاني مو موضوعنا).

الواحد ما بدو يبكي عالاطلال (لو الاتحاد موجود ما كانت امريكا دخلت افغانستان او العراق) بس كل الدلائل والمؤشرات الاقتصادية تؤكد قرب انهيار امريكا كقوة عظمى (كما كانت نفس المؤشرات تفيد بقرب سقوط الاتحاد السوفيتي ) اقصد اقتصاديا فقط ولا اتحدث عن المؤشرات العسكرية وباقي المؤشرات .

بخصوص إنشاء دولة اشتراكية أو شيوعية، فما بقدر أأيدك أو أخالفك لأني ما زلت أدرس مبادئ الشيوعية وللآن لم أسبر أغوار الموضوع كله، وبحاجة لتفكير عميق وفت خبز قبل أن أستطيع الخوض في هكذا نقاش، ولكنني لا أعتقد بأي حال أن الاتحاد السوفييتي كان خير ممثل للشيوعية.

بخصوص ستالين وما أدراك ما ستالين، أنا لا أؤيد جرائمه وضد قمع الحرية بأي شكل من الأشكال. (بعرف ما بهمهك رأيي بس قلت أزته بالمرة بما إني حاكية حاكية ).

مفهومي لتطبيق الاشتراكي (إذا أردنا تطبيقها) أو أي نظام آخر، بيختلف عن كتير ناس، عدا على إنه في أخطاء بتكوين الاتحاد السوفييتي، الي يمكن لو تم تفاديها لكانوا هلأ بألف خير وموجودين كدول ديمقراطية والشعب مبسوط كمان

وصحيح خيو، سؤال بدون سقلة شو توجهاتك السياسية يا أخي؟ ما بدي أضغط عليك بس كتير محموق إنت على ضحايا ستالين، فحابين نعرف إذا بحقلك تحكي أم لأ. يعني مثلا إذا إنت رأسمالي أما إخونجي أما بعثي أما شي تاني. بس لأخذ العلم.

أنا سياسيا بتوجه لرغيف الخبز والسلم والحرية ولجيري في كارتون توم اند جيري
انا ضد الشيوعية واشتراكيتها وضد الراسمالية الامريكيه , يعني سياسيا ليس لي توجه مع حزب او فكر او جهة.
لكن أؤمن بأحقية الجميع في تبني الفكر اللي بدو ايا كان طالما ما رح يأثر سلبا على غيرو,
اقتصاديا انا مع الليبرالية وبالتالي مع الراسمالية الاقتصادية (لكن مع مراعاة الجانب الانساني والعاطفي يعني يجب مراعاة الفقير والعجوز والاطفال , مع مجانية التعليم والعلاج ,مع وجود مصانع للتسليح خاضعة كلية للدولة يعني انا بطبق الليبرالية الاقتصادية بقلبي , انا شايف ان الراسمالية عقلها كبير جدا وفكرها قوي جدا بس محتاجة قلب , قلب يحس بالمحتاج والضعيف والفقير ويلبي احتياجاته ويشوف مصالحه , انا شايف ان الليبرالية مش محتاجة غير قلبي عشان تحقق اقصى رغبات واحتياجات كل افراد المجتمع على عكس الاشتراكية اللي عمرها ما قدرت تحقق اقصى رغبات كل افراد المجتمع ولا رح تقدر بيوم من الايام

كاتب النص الأصلي : Nirvana

انا عن نفسي ما بقول الدول الرأسمالية غير متقدمة، بالعكس لكنها أقل انسانية ..
سجن غوانتنامو بكوبا الشيوعية المحتلة من قبل أمركيا الرأسمالية (انت قلتها) .. وفعلا هي عملت السجن بكوبا حتى ما تضطر تتقيد بالدستور الامريكي وحقوق الانسان.

وعم حس من لهجتك انك تبرر لأمريكا ما تفعل .. اذن انت مع القوة مهما كان نوعها ووسائلها واهدافها ..!!!!!!!

احساسك غلط , انا مستحيل ابرر افعال الادارة الامريكيةاللي بدها الحرق
بس حبيت اوضح للاشخاص اللي فاهمين توازن القوة غلط (هاد موقع الشيوعية ) لا تقدم ولا يحزنون