الواحد بيضلوا ساكت ساكت بس بعدين بتفقع مرارته وبيضطر يحكي... كل شي ولا المرارة .. تفضلي احكي
أول شي يا ريت ترجعي تقرأي شو كتبت بتعرفي اني عم احكي عن شو بصير في الأردن مو عن وجهة نظري شخصياً .. تاني شي .. انا جزء مني فلسطيني وما كنت حابة احكي هالشي لأنو ما بخص حدا وما بدي برر .. ولاني عم حاول احكي بتجرد .. أنا ما عندي ولا بشكل من الأشكال عنصرية تجاه الفلسطينيين تحديدا، حتى لو حسيت من قبلهم بعنصرية ان وجدت وقد تنوجد في بعض الحالات ..
عن أي فلسطينيين عم تحكي؟ مين هم الي أثروا سلبا على الأردنيين؟ اللي إجو من ال48 مثلاً؟ بتحبي أحكيلك كيف إجوا على الأردن وشو هو دور الحكومة"النشمية" ولا بتعرفيه؟ أصلا لولا الفلسطينيين ما كان في أردن ولا دولة أردنية! كلها بسبب اتفاقات الخائن الأكبر الملك عبدالله الأول الي تآمر مع الحركة الصهيونية على طرد الفلسطيننين من فلسطين ونقلهم إلى الأردن من أجل أن يكون في عنده شعب ل"دولته الموعودة"!
الملك عبدالله **** شو بدي بربو .. انا ما عم دافع عنو اذا لاحظتي بردودي السابقة .. ولا عم دافع عن الحكومة ال***** الفاسدة اللي متلو .
شو هو التأثير السلبي دخلك؟ إنهم بنوا البلد وعمروها؟ ولا حضرتك بتنظريلهم دخلاء وزوار زي العراقيين الي بعد الحرب على العراق دخولوا للأردن لتبييض أموالهم هناك
بالنسبة الي الفلسطينيين والعراقيين والسوريين والمصريين .. كلهم عندي نفس الشي ..ما عندي شي ضد حدا ، بينم استنكرت الحكومة اتدخل هالأكمن فلسطيني المزتوتين على الحدود العراقية والسورية؟!
يعني أوزني الكلام قبل متحكيه، ولا إنتي هيك إيمتا ما بدك بتعتبري الفلسطيني مواطن أردني وإيمتى ما بدك بتعتبري دخيل وزائر عم يسرق خيراتكم؟!
الأردن كموارد ما بتكفي الأردنيين طبعا لما يتضاعف عددها ما رح تقدر تكفيه .. بالمنطق وبغض النظر فلسطينيين او مو فلسطينيين .. اكيد ما رح يكفي.. وانا ما قلت انو في حدا سرق خيرات حدا (شفتي مين اللي عندو عنصريتو ونيتو مو صافية) . . مين جاب سيرة السرقة ... أبدا انا ما بفكر بهالطريقة مشان هيك انتبهي لكلامك
ويلا خلينا نشوف كمان شو عم تحكي:
واضح إنك ضد العنصرية
وكلامك عن الفلسطينيين الي عم بيأثروا سلبا على الأردنيين أكبر دليل.
شو دخل هالشي بالعنصرية .. انا ما قلت انو لازم الفلسطينيين يطلعو من الأردن .. انا قلت موارد الأردن قليلة حتى عالأردنيين
والأردن بدها ترجح كفة للأردنيين، يا سلام معناته ليش يطالب الفلسطيني بأنه يظهر ولاؤه للأردن والملك دائما
(فهميني هالقصة .. كيف يظهر ولاؤه .. يعني ما يعمل انقلاب عالملك .. حتى الأردني مطالب بهالشي .. لانو المعارضة عنا شكلية ومرفوضة)، ما دامه الأردن رح يرجح الكفة للأردنيين؟ طيب لشو هالمعايير المزدوجة هاي. خلص إذا هيك القصة بيحق للفلسطيني يكون عنصري وحاقد كمان، طالما البلد الي بتطالبه بإظهار مواطنته الكاملة، رح اتضل شو ما عمل ترجح كفتها للأردنيين الأصليين.
انا قلت كون الاردن اردن .. ما قلت هيك لازم يكون (انتبهي شوي قبل ما تسرعي) .. بدي اعطيكي مثال .. عرب 48 معهم جنسيات اسرائيلية هل يعاملو بنفس المعاملة اللي بيتعامل فيها الاسرائيلي اليهودي أكيد لأ .. وقيسي هالشي على اي بلد .. (انا ما بقول هالشي صح .. بس بقول هاد الواقع) .. انا شخصيا بتمنى يعيش كل العالم ايد وحدة ..
عم بترجح كفتها حاليا للمصاري، هذا كلام صحيح وما عليه غبار،
(وهاد رأيي الشخصي .. الكفة الراجحة للي معو، اللي معو بيسوى واللي ما معو ما بيسوى ، وهالشي غلط وضد ما أؤمن به) بس أيام ما كان في مصاري، كانت الكفة تترجح للنشامى فقط وليس للبلجيكيين
وخلينا نشوف كلامك "غير العنصري" كمان مرة
يلا خلينا نشوف
دخلك خيتو نظام أردنة الجميع ما دخل برضه؟ محاولات الراحل حسين لإجهاض منظمة التحرير (الي كانت محافظة على الهوية الفلسطينية)، والهيمنة على القرار الفلسطيني ما دخل برضه؟
وبعدين الفلسطيني أبو جنسية ألمانية ما بينطلب منه ينسى أصله، بعكس الفلسطيني أبو جنسية أردنية، الي صار بعد أيلول الأسود ينشل عرضه إذا حكى شو هو أصله!
وانا شو دخلني .. ما جبت سيرة هالموضوع وأساسا انا ضدو !!!!! ولا انا مع الملك وشلتو ولا مع منظمة التحرير ..
روح تفرج على عمان!!!! ايه روحي تفرجي على عمان روحي على الوحدات وشنلر والزرقا والبقعة
(برأيك ما لازم اللي عمرو عمان كما سبق وقلتي يعمرو لأخوتهم ) وشوفيهم كيف عايشين بالنعيم
(وروحي على القرى الاردنية وشوفي كيف عايشين الأردنيين بنعيم ومتل ما قلتي قصة نسبة وتناسب.. لهيك انتي مو حاسة بالأردنيين المعترين) 
الفلسطينيين أكتر من النصف ولذلك بالنسبة والتناسب رح تكون نسبة الأغنياء فيهم كتر وذات الشي نسبة الفقراء، بس هاد ما بيعفي الحكومة من مسؤوليتها لتحسين أوضاع المخيمات. شوفي الحكومة الرشيدة شو عملت لهالمواطن بمخيم البقعة لتعوض على أهله
http://www.alrai.com/pages.php?news_id=168999
مو حكى الملك حسين "الإنسان أغلى ما نملك"...بس الظاهر في ناس أغلى من ناس...!
الحكومة مقصرة بحق الجميع .. بالنسبة للملك حسين ذلك الكر من هذا الحمار ..
(وهاي رحنا فيها
)
وهذا غيض من فيض! ولحتى أكون عادلة وصادقة، بعرف أردنيين فاهمين الوضع السياسي في الأردن مزبوط وما بيضحكوا على حالهم، وآرائهم بحترمها جدا لأنها متزنة، وما بيرموا الحكي رمي، بيكونوا فاهمين عن شو عم يحكوا وآرائهم بخصوص وضع الفلسطينيين في الأردن بحترمها وبقدرها جدا لأنها آراء مو مبينة على عاطفة ولكن على تحليل سياسي عملي، بيحمل كل جهة، الأردنية والفلسطينية على حد سواء، الأخطاء الي ارتكبتها وبيطالب من كل جهة إنها تدرك هذه الأخطاء لحتى وضع البلد يتحسن.