[samsoum]

كاتب النص الأصلي : Nirvana

انت رديت على الاخ .. بس انا حابة ضيف شغلة .. انو موضوع الاردنيين والفلسطين يطول وكلا الطرفين عليه خطأ ومعه حق .. لكن ما فعلته السلالة الهاشمية بموضوع فلسطين يجب ان لا يحمل على كاهل الشعب الأردني وليس للشعب الأردني اساسا يد فيه ...
السلالة الهاشمية التي يفخر المسلمون أنها آخر سلالة الرسول(وما عندي مشكلة اذا حدا بيفخر فيها بس حبيت اذكر هالشي مشان يعرف اللي عم يدافع عنها) هي التي فعلت ذلك وليس الأردن او الأردنيون .. والشعب الأردني شعب عاطفي ... يتعاطف مع كل مظلوم ... من فلسطين .. للعراق .. للبنان .. وبمآسي العالم كلو ..
بعدين الفلسطيني الأردني متل الأردني الأردني .. وما غير ذلك يكون عبارة عن تجارب شخصية لبعض الناس وتكون عادةً قائمة على العنصرية ومن الطرفين.

سلامات
انا بعرف انو الشعب الاردني شعب طيب ولما كنت بسوريا كان في الي كتير اصدقاء منهم،ولما زرت الاردن التقيت فيهم وكانو من أكرم الناس معي، وما حدا بيقدر يحمّل الشعب مسؤولية مافعلته السلالة الحاكمة بالتأكيد، ومابظن بإني ذكرت هيك شي بمشاركاتي، اذا فهمتي اني بقصد هالشي بأحد ردودي، بيكون سوء فهم او بيجوز انا أسأت التعبير، بعتذر
اصلا انا أؤمن بشدة انه بلاد الشام الاربعة، هي بلد واحد كما كان قبل التقسيم، وبتمنى يرجع كذلك، يعني كل الشعوب الموجودة بهالبلدان عبارة عن شعب واحد، وصدقيني هاد مو خطاب سياسي، وانما انا بشوفه واقع.
تحياتي