[samsoum]

كاتب النص الأصلي : sweetbaby

طيب اذا التوعية كتير قليل لتكون بسبب كتير اشيا ومنا الخجل بالحكي مثلا
بس بعتقد ع اليلة جيلنا والجيل اللي قبلنا متفهم ومثقف كفاية ليفهم ويعرف كيف يجدد ماهيك؟؟
هادا مابيعني انو مافي عالم رح تخون عالجهتين
انا قلت انو المشكلة هي التوعية، وماقصدت فيها بس الجيل المتعلم والواعي،قصدت التوعية بشكل عام، بالبيت وبالمدرسة وبالجامعة وبالجامع والكنيسة وبالشارع والشغل، هي في عنا فيها مشكلة كتير كبيرة، ومابيكفي لا جيلين ولا حتى سبعة لحتى يقدرو يلغو مفاهيم صرلها مئات السنين،
وصدقيني انو الخيانة بيمارسوها (المثقفين) بنسبة اكبر بكتير من الناس التانية، لأسباب كتيرة، أهمها الانفتاح والاختلاط بشكل اكبر من الناس اللي مو مثقفين، وتانيا وهو الاخطر، انو البعض من (المثقفين) بيمارس الخيانة على انها شيء عادي بحياته كمثقف، وانها احدى ادوات المثقف في هذا العصر.
أكيد حتى مهما بلغت التوعية رح يبقى في خيانة

اي بس اذا مجتمعنا ذكوري مامعناتو صح ولازم نساعد بالتوعية مشان مايضل هالشي مترسخ ويضل ذكوري دايما

أنا أبدا ما أيدت فكرة المجتمع الذكوري، مع انو هذا هو الواقع للأسف، وانا ضد هالشي تماما وبعتبر انو من اكبر الاخطاء ومن الظلم انو يكون المجتمع ذكوري وانو تكون المرأة تابع، بس المصيبة انو في نساء هنن بيشتغلو ليل نهار لتكريس المجتمع الذكوري، وهنن بالتالي عم يعطلو موضوع التوعية بقصد او بدون قصد.