مرحبا يا قوم
نطرت حتى صارو الأسئلة خمس أسئلة و هلأ صار فيني جاوب ...
اقتباس:
|
شو بتحب بحالك وشو بتكره بحالك؟؟؟وشو بحبو الناس فيك وشو بكيرهو؟؟؟
|
اي ست مارشيلا ... بالنسبة لشو بحب بحالي يعني شو بدي قلك ما بعرف .. انو بحب كتير شغلات مثلاً أنا بحب المساعدة كتير و هاي الشغلة بحبا فيي :P أما الشعلات البكرهها , يعني ما بكرهها بكرهها بس بحب انو كون أفضل من هيك ... يعني أيام بعصب بسرعة قبل ما افهم الموضوع شو هوي عالآخر
يعني من هالقبيل ...
شو بيحبوا الناس فيي ؟؟ هلأ الناس يلي بكون مرتحلون بكون كتير كتير لطيف و كويس معون ... بعتقد هاي الشغلة بيلاؤها العالم منيحة فيي .. و الناس يلي ما برتحلون .. بكون عادي معون , ما بزعجون بشي و ما بيفرق معي شو بيحبوا أو شو بيكرهوا فيي ...
بعتقد انو الناس بتكره فيي عصبيتي بعض الأحيان
اقتباس:
|
شو هي الرياضة يلي بتحبها أنت ؟؟؟؟؟
|
متل ما كاتب بالملف الشخصي تبعي .. بحب السباحة و كرة السلة ... و خصوصي هالأيام عمقضي كتير أوقات يا أما بالمسبح أو بملعب السلة .. و قت بكون عمبمارس وحدي من هاللعبتين عنجد ماعاد بحس على حالي و لا على الوقت شلون بيمضى .. صحي يا شباب الأخوية بحمص ... جهزو حالكون ع خسارة بالسلة بس انزل على سورية ... :P
اقتباس:
|
وأنا سؤالي شو هي صفات البنت الخارجية ألي بتحبا
|
هلأ عمنحكي عالصفات الخارجية ... أول شغلي بتلفت نظري بالبنت لون عيونها و ضحكتها ... بحب العيون الخضر بصراحة مو بس بحبون .. بموت فيون
و ضحكة تكون ناعمة مع مسحة من الخجولة و الأنوثة بتدبحني دبح ...
و في شغلات آخر فترة عمتلفتلي نظري بالبنات ... الحواجب و البروفيل
اقتباس:
اذا شي مرة كنت ماشي انتي وصبية
ممكن تكون قرايبتك يعني
وطلعلكون بالطريق 3 كلاب جعارية
شو بتعمل ؟؟؟؟؟؟؟
طبعا أكيد هي رح تزعوط
|
منين ناكش هالسؤال حبيب ؟؟
بصراحة ممكن تنيناتنا رح نزعوط و هيك بيهربوا الكلاب ... و ممكن يكون معي موزة .. بقشرها و باكلها (( بس وقتها بكون مستعجل ما بلحق ضيف الصبية يلي معي )) و برشق القشرة ادام أكبر كلب بيناتون بيقوم بيوقع .. عندها بيقولوا الكلاب الباقبة .. لعما شو هالبكل .. خلينا نهرب بجلدنا أحسن
بس ما تسألني منين جبت الموزة ... لأني وقتها كنت مستعجل و ماني متذكر منين اجت
اقتباس:
|
لو ما كنت سوري ... شو كنت بتتمنى اتكون ؟؟
|
حكيم أنا فخور بكوني سوري ...
و هون ما عندي كتاب أو دفتر ماني كاتب علي i'm proud of being from syria بس لو كنت ماني سوري أول شغلة ما بتمنا كون ألماني ..لأني أجد حياتون لحد الأن بالنسبة الي مملة ... شعب ما بيهمو غير مصلحتوا و ما فارق معو حدا و عند قسم كبير من الألمان النزعة النازية الى حد اليوم ..
و كمان ما بتمنا كون أسباني أو من دول أميركا الجنوبية .. بس بحب من بين الشعب الشعب الإيطالي ... عنجد شعب راقي بكل معنى الكلمة ... و عمفكر بشكل جدي بعد انتهائي من تعلم اللغة الألماني (( يعني وقت ببلش بالجامعة )) اتعلم اللغة الإيطالية ... يا زلمي بشرفي بحس اللغة الإيطالة غير شكل ... الطليان بيغردو تغريييييييد بكلشي :P
أنا أفكر ... إذا الفكر موجود
أنا أتألم .. إذا الحزن موجود
أنا أضحك .. إذا فالسعادة موجودة
أما (( أنا )) فهي حقيقة قائمة بذاتها بدون إثباتات , و لولاها لما كان كل من الفكر و السعادة و الحزن موجود ....
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -