لك والله أنا اشتقتلك يا أممي ولكل الشباب والصبايا الموالين والمعارضين مشتاق لشي حدا يبلش مسبات
بس كنت مسافر يومين خارج (( القطر! )) وأنا بالطريق لقيت شوية أوكسجين جبتهن معي!
وبعد هيك أكتشفت أنو العالم برا متخلف عنا بشي مليون سنة ضوئية ... ويلي نحنا بنحكي عليهن متخلفين و بدو وبيقرفوا ... طلعت الكهربا ما بتنقطع عندهن ولا ثانية!!!! تخيل ولا ثانية!!! شوف التخلف!
حتى المي يلي أصلا مو موجودة عندهن موجودة بسوريا بس ... ما بتنقطع ولا ثانية!!! يخرب بيتهن شو متخلفين فعلا!!
يعني الحضارة تتطلب شوية حرامية وشوية سرسرية و رئيس عصابة اسمو ( رئيس ) بيقطعوا الكهربا والمي على هل عالم وبيمصوا دم المواطن وبيخلوه على حفه الموت لا يموت ولا يعيش.... ايه هي هيه الحضارة والتقدم! لكان أخيييييييي
معا لتحرير سوريا من الجبناء
( هل يستوي الذين يعلمون والذين لا يعلمون )