[Government]

ااااااااااااااااااااخ يازلمة ..

هلأ لقلك بصراحة هون بسوريا لما بتروح ع شي منطقة من المناطق الراقية او المتوسطة غنى اكتر من اللي بتتوقعوا
يعني هلأ اللي بجي من برا بظن انو الشعب السوري منتوف ومنعول سما من النتف والقلة
بس لما بتجي بتتفاجا انو الشعب ماشاء الله اللي يديم عليه النعمة عايش عيشة مافي منا وع 24 واحسن من السوريين اللي طالعين ومعترين بالخليج وبرا ..
وبتتفاجا من هالواقع انو يعني الشعب عايش ومكيف وماناقصو شي وعبصرف واحسن من كتير ناس طالعين وعبشتغلوا برة (والله يديم النعمة على الجميع طبعا)
ولوهلة بتفكر انو الشعب كلو هيك عايش ومو ناقصو شي وبتنصدم من كلام الجرايد والاخبار اللي بالواقع هو بالعكس تمام ..


بس

فجاة بتروح ع شي منطقة من المناطق الشعبية
وهنيك بتكون المصيبة الكبرى
وبتتفاجأ بالفقر فقر مو طبيعي وبتشوف اصناف من الناس (ممكن يكونوا من قرايبينك) فقر اسود متل مابقولوا
يعني في ناس موصلين لدرجة للفقر انو احيانا ما معن ياكلو وعايشين ع الصدقات وهو بتنصدم من الفرق الرهيب بين الفرق بالمعيشة بين هديك المناطق وهالمناطق الشعبية

يعني ناس صارت تكب المصاري كب من كتر الترف والبطر
وناس مامعا تاكل ولا تامن اكل ولادا واكتر وعايشة ع الصدقات من الفقر

وطبعا هادا الحكي شايفو بعيني ومالي جايبو من شي جريدة او شي شغلة



وطبعا للاسف وضع ماساوي
انو تشوف نص الشعب عبكب المصاري ونص تاني مو لاقي ياكل
وهون ماساوية الوضع انو مافي تنظيم مصاري البلد اكتر رايحة لناس مابتسوى ومابتستحق (طبعا مو الكل)
بينما في ناس تانية شوي تانية بتموت من الجوع


وطبعا للاسف ..على هالوضع الماساوي