تصبحو على خير يا جماعة
الساعة 11 بالليل انا ماني دجاجة حتى نام بكير بس فقت الساعة 6 الصبح بس ما بعرف ليش فقت
قمت اكلت بيتزا
كان ضلت من امبارح لان ما كنت مشتهيا امبارح ... صح كانت بايتة شوي بس ماشي الحال
بعدين اجيت عل الاخوية شوي وبعدين قمت درست
وبعدين فاقو اهلي قام رجعت فطرت معون كمان مرة
بعدين فتت كمان على اخوية
بعدين رحت عل المزرعة بشان اسبح انا وابن عمي ... بس طلع الجنان مو معبي المسبح مع اني منبهو من مبارح قام اكللو بهدلة (شنو بحب بهدل العالم بشان ينتبهو مرة الجاي ) بس يعني قلبي طيب بعد شوي رجعت قلتللو عمو وهيك لا تزعل مني بس كنت معصب وهيك
رجعت قام تغديت محشي بس ما كان طالع طيب كتير لأن امي ما حطت فيه كتير حااااد وانا بموت بالحاد قال انو مو قرايبنا جايين من برا وما بيحبو الحاد .. وانا شو بساويلون
المهم صار العصر وقعدت عل الاخوية وبروح وبجي وبتسلى مع اولاد عمي وخالي وهيك امور
والساعة 10 صار موقع اخوية بطيءءءءءءءء كتييير ما بعرف ليش قام انا صرت خبط رجلي وهززز رجلي وايدي واخدت موقف من الموقع وطفيتو
ولهلا مو كتير سريع بس يللا ماشي الحال
وهللا فطست من النعسسس عل النوووووووووم
