[أبو شريك]

مرحبتين بلاك .. ومسا الخير

مشان اعرف رد منيح رح اقتبس جمله جمله واكتب .. مشان ما يسقط شي سهوا ..

ف ممكن تعطينا فكرة شو بدي أنزل وشو رح أستفيد ..

الموضوع اللي حطيت لينكو بيحتوي على :

1- [ سلسلة الطريق إلى النجاح ] وهي 23 حلقة .. (( أنا نزلتهم كلن ما عدا المرفوعين على الرابيد شير .. وهلق عم شوفن )) .. طبعا أول حلقة بالسلسلة عبارة عن مقدمة .. فـ إذا بتنزلها بالأول بتعرف محتوى السلسلة كلها ..
2- [ سلسلة نجاح بلا حدود ] وهي 16 حلقه .. بس مخربطه شوي .. لسه ما تأكدت منها ..
3- محاضرات متنوعة .. مدة كل محاضرة 60 دقيقة كمتوسط ..
4- [ سلسلة الحياة أمل ] وهي 14 حلقة .. مرفوعة عالرابيد شيير فـ ما نزلتا .. ولأنها موجود عندي مسبقا .. وكما عم تنعرض هلق على قناة سمارت ويي ..
5- أمسيات متنوعة ..
6- عروض powerpoint ..


شو بدك تنزل ..؟

حسب حاجتك .. حسب الجانب اللي بدك تطورو .. يا ترى هوه علاقات ..؟ مسامحه الآخرين ..؟ مهارات النجاح ..؟ كلشي رح تنزلو رح يكون مفيد أو مو مفيد على حسب حاجتك لإلو ..

و هل الفائدة المرجوة في المحاضرات .. بتغطي على الخسارة ..

هي ما فيني اضمنلك ياها .. لسبب بسيطه واللي هوه : أني ما بعرف شو في عندك معلومات .. يعني ممكن تكون هالمحاضرات قديمه وممله كتير بالنسبة لإلك .. بس ممكن تكون لشخص تاني كنز معلومات .. يعني الشغله نسبية .. وما فينك تعرف الجواب لحتى تجرب ..

بس في شغله .. الموضوع بدو شوية مغامرة .. يعني اعتبر هالمبلغ راح على قهوة او على سهرة او سيران .. واعتبر هالوقت راح على كم فيلم اجنبي اكتشفت بالنهاية انك ضيعت وقتك بالفرجه عليهم .... ما بعرف اذا وصلت الفكره ..

ممكن ما تستفاد من كل هالمحاضرات غير من فقرة وحده .. كم دقيقه . تغيرلك كل حياتك ... ممكن متل ما صار معي من فترة قريبه .. و ما بدي احكي قصتي مشان ما حدا ينام ..

يعني بمعنى آخر عن شو بيحكي ابراهيم الفقي

متل ما خبرتك بيحكي باكتر من موضوع [ النجاح - التربية - الحب والتسامح - التحكم بالذات - إلخ ] و رح تشوف محاضرات عن هالاشياء بالموضوع ..

و كيف قدر يطلع من الصفر للقمة ..

هلأ أبو شريك قال أنو طلع من الصفر للقمة .. طيب شو الآلية و هل رح يعلمني بهالمحاضرات أطلع بالصفر يعني هل رح ينقلي خبرتو مثلاً ,, ؟

الجواب : نعم ..

رح ينقلك كل خبرتو .. وكل تجاربو ..وكل قراءاتو .. ويلخصلك ياهن بـ سلسلة الطريق إلى النجاح .. يعني بافتراض الداونلود كلفك بأسوء الحالات 1500 ل س .. فانتا عم تشتري بهالمبلغ شي ممكن يقلب حياتك 180 درجه [ إذا كانت بحاجة للتنقلب ] .. أو شي ممكن يطورك مهاراتك وقدراتك بالطريق اللي انتا مشيان فيه ... أو شي إذا ما فادك فـ أكيد رح تستمتع وانتا عم تشوفو ... يعني متل لما تشوف فيلم للمره العاشره .. وحفظانو بصم .. بس مع هيك بتتمتع بشوفتو ..


جــرّب تسمع أول حلقه بس .. ما رح تاخد من وقتك كتير .. إذا عجبك الحكي كمّل حلقه حلقه .. خطوه خطوه ..وهيك ما رح تخسر لا وقت ولا ماده ..