عملت كل شي كرمالها
لحتى تحس فيي
تحبني متل ما انا بحبها
بس يمكن مظبوط
الحب مش دايما فينا نصنعوا بايدينا
الحب بيخلق فينا
ما بيطلب اذان
مابيعرف اعمار
ولا مسافات
ولا حدود
بيبكينا
بيفرحنا
بيتحكم فينا
وبديرنا متل ما بدوا
بياخدنا وبيجيبنا
وبيخلي
الدنيا كلها
مش سايعتنا
وبيوم من الايام
الطقس كان برا تلج هوا وبرد
قاعد عم اكتب شو صار معي اليوم
مرق الوقت
وعيوني صارو يناموا
حلمت اني بغير دني
وبغير بلد
ناس مابعرف حدا منون
بجرب احكي واسئلون انا وين
ما بيطلع صوتي
بتطلع فيون
بيكفوا طريقون
وفجأة رن التلفون وعيت
اخدت السماعة
المخابرة دولية ؟؟؟؟
رديت
الو.....مين
صوت صبية
بتسئلني ربيع......
قلتلها لاء مش ربيع
قالتي اه عفوا
عم اطلب خيي ربيع
انت مين
عفوا عم تلفن بوقت مأخر
وعرفت انها بكاليفورنيا
صرلها زمان
عم تتعلم
سافرت والهيئة ما بدها ترجع
سكرت الخط
بعد ما اخدت رقم تلفونها ووعدتها اتصل فيها
رحت لحتى نام
بس ماقدرت
اخدتلي عقلي
كل تفكيري
حبيتها مهضومة
حلوة ضحكتها
طريقتها بالحكي
ياريتها مش هالقد بعيدة
مرق اليل
وطلع الضو
فتحت عيوني
وكأنوا الي صار معي
حلم من اجمل
الاحلام
وعيت عم فكر فيها
بدي احكي معها
بدي تلفنلها
بدي قلها صباح الخير
رفعت السماعة
طلبتها
كنت عم ارجف
ردت
ردت بصوتا الدافي
سكتت
تلبكت
ماعدت اعرف شو بدي قول
هديت حالي
قلتلها
بتسمحيلي قللك صباح الخير
ضحكت
وقالتلي عنا مسا الخير هلق
بس بكل الاحوال
ميرسي لانك اتصلت
وقتها يمكن الدني بطلت توسعني
شو عم بيصير معي
مغروم بحبها
مستحيل
لسا ما بعرف كيف شكلها
ما فرقانة معي
حاسس شي جواتي
شي غريب
اول مرة بحس هيك
خلصت حكي معها
سكرت الخط
وبعدني عم فكر فيها
معقول انا مغرووم
لازم شوفها
تاني يوم
رجعت حكيتها
وطلبت تبعتلي صورتها على الانترنت
وانا بعتت صورتي
واول ما شفت الصورة حسيتها حدي
فرحتي ما عادت تنوصف
حلوة
عيونها بيحكوا
شعرها ابتسامتها
ما بصدق الي عم بيصير معي
عم اتعلق عم ارجع حب من جديد
ما بتفرق معي
حتى لوكانت بعيدة
انا مبسوط حاسس
انو قلبي رجع يدق من جديد
ومرقت الايام
وبيقنا نحكي سوا
حتى تعلقنا ببعض
صارحنا بعض
حلمنا سوا
بكينا سوا
ضحكنا سوا
صرنا نعرف
ادق التفاصيل عن بعضنا
بس المشكلة
انو كل يوم عذابنا عم بيزيد
اشتقتلك
انتي بعيدة عني
ياريت فيني كون حدك هلق
ضمك
حبك
عيش معك
قررت سافر
رووح شوفها
التقي فيها
عيش المغامرة
حكيتها
خبرتها ووافقت
حضرت غراضي
مش مصدق
ساعات قليلة
وبشوفها
وصلت الطيارة على المطار
وكل الوقت عم فكر
شو بدي اعمل اول ماشوفها
ضمها
قلها بحبك
بعيها الوردة
بحس راح ابكي اول ماشوفك
انتي نصي التاني
كنتي بعيدة عني
وهلق راح نكمل بعض
راح نكفي سوا
هلق راح اعرف قديش بحبك
وقديش انتي بتحبيني
شوووووو بحبك
نزلت من الطيار
اخدت غراضي
وانا وطالع
حسيت بعيون ما عم تزيح عني
اتطلعت
وقفت
بدي اركض
واجريي ما عم يحملوني
بدي اصرخ صوتي ما عم يطلع
تركت غراضي بالارض
وصرخت
بحببببببببببببببببك
وركضت
غمرتها
ما تركتها
وما تركتني
وبيقنا نبكي عاكتاف بعض
اشتقتلق
بحبك
ماراح ابعد عنك
وبالاخير بدي قلكون
وين الحب ماحدا بيعرف وين مخبا
ماتفتشوا عليه
خلي هو يلاقيكون
بس المهم
انكون تأمنو فيه