افظع مغامرة عشتها
هاد يا سيدي كنت مرة من المرات في قديم الزمان يعني يعني اذا رسمنا خط الزمن
ــــــــــــ*ــــــــــــ ــــــــــــ*ــــــــــــ ـــــــــــــــــــــــــ ــ
هنا الحادثة هنا نحنا الان
كنت راكب سيارتي الدودج وماشي بالهصحرا (صحراء الربع الخالي)بتعرفو انو انا يلي فضيتها وفجاة وبدون سابق انذار لاحظو (في سابق ولا حق وفي سابق انذار يمكن هدول ولاد عم بالرضاعة)طقو الاربع دواليب سوا (وعلى فكرة ركزو معي بالمغامرة هاه الاربعة سوا مو أية لانو بتفرق)اضطريت انزل من السيارة وكم مشواري على تركيا مشي والله وبدون طيلة سيرة عليكن مشيت بهالطريق واخدت باكيت الماربورو معي ومشيت وسيجارا ورا سيجارا سيجارا ورا سيجارا هيك ما حسيت بالطريق ولا بحالي الا وانا واصل للبحر الميت طبعا لما وصلت لعندو كان اسمو البحر الحي بس وانا عمبشرب من المي شيتو طلعلي دراجون ازرق برعب متل يلي طلع لداي الشجاع بزمناتو واكبر بكتير بكتير تصارعت معو وصرت ابطحو ويبطحني واضربو واضربو واضربو لحد ما استملكتو مسكتلكن ياه من رقبتو وطقيتلو ياها وإذا البحر اتحول لمارد كبير كتيييييييير متل يلي كانو يطلعو لسندباد بس هاد ما أخد بين إيديي دقيقة كنت قاتلو ومخلص عليه وبعد هي القصة سموه البحر الميت (يعني انا يلي قتلت البحر الميت) والله مشيت طريقي وصلت لحدود حمص واذ خلص باكيت الدخان تبعي والله وكيلكن ضليت 3ايام وانا بلا سيجارا خرماااااااااااااااااااااا ااااااااااااااااااااااااا ن لدينا ولسعاد ولعفاف ولزينب ولك الصبايا
والله وبيوم وانا قاعد هيك بعد الفجر بشوي تحت شجرة عمبعمل اليوغا تبعي ولا لاقي نمر من بعيد ماسك سيجارة وعلبة كبريت وانا شفتو هيك ولا صرت اركدلكن متل الفهد واخطفلكن السيجارا من تم النمر واحكيلو هيك بنبرة كلها رجولية وزجرتية (سماع ولااااااااااااك سماااااااع.......... ايه خلي انتباهك معي وحط نضرك بالارض ولاااااااك ..... ولااااااك هي السيجارة إلها ناسها ولاااااااك)الله وكيلكون ومالكون يمين عليي انو هجد فرد هجدة وما عاد سمعنالو حس
واخدتلكون هالسيجارة وعلبة الكبرت وانا بدي شعل السيجارة من العلبة ولا بتفاجئ انو العلبة فاضية لانو هديك الكبريت يلي كان النمر بدو يشعل فيها انكسرت وطلعت اخر وحدة
وهيك ببدا مغامرة تانية من مغامرات ببقا بحكيلكن ياها بعدين بس زكروني فيها وهي بعنوان(نانو البحث عن عود الثقاب)
هي من المغامرات يلي مريت فيها بحياتي بس هي مو شي اذا بدكن منقدم للادارة طلب بفتح قسم مشان الخرط لانو هالمنتدى بدو
ههههههههه قال مغامرات قال ايه شو عايشين بجهاز بليستيشن
على العموم
سؤالي هو
شو اتغديت مبارح؟.؟؟
|