يا زلمي انت وشك خير علينا . اليوم الصبح هيك فقت فتحت الشباك .
واذ بلاقي الدني كلى مي . والمطر عما ينزل كانو شي واحد صرلو محصور( سوري منك على هالكلمي) وما سدق يفوت عالتواليت
انو يا اخي شو بدك بالحكي رجلك خضرا علينا .
مع انو كنت بفضل الشمس والشوب . بس انو عيد ميلادك ولازم سعدو يسقي هالاراضي ويساعد المزارعين والفلاحين الفقرا
اي
عن شو كنا عما نحكي ؟
اه صح عيد ميلادك .
لك خي ابو الهن هيك انشاء سعدو ( وان ما شاء ما كتير بتفرق ) منشوف بعضنا عن قريب شي مرة بسوريا . ومنعملنا شي سهرة يا على سطح بيتكون ( اعلى سطح بالمشرفة كلى ) يا اما عالسطح عنا ( متوسط الارتفاع بس انو منخفض نسبيا بسبب موقعو بالوادي ) بس خيو لازم يكون في بالسهرة ارغيلية , بزر وفستوق , عرق ( وبس عرق ) وخيو اذا بدك منجبلنا مسجلة منسمع شوي لابو وديع
لك اخ يا زلمي انا حاليا عما مر بحالة من الشوق الما طبيعي لسوريا وللعالم الي بسوريا وشغلات سوريا من مغدوس لزيتزن لزيت زعتر لاكل طبخ متل الخلق والعالم ...
لك اخخخخ
شو مشان قلبت الشغلة نكد .
خيو روح جخ ( بالجيم هاه لا يروح فكرك لبعيد ) وعيد هيك عكيفك وبركي بتاخدلك اليوم اجازة من الشغل وبتعملك هيك شي سهرة من الي ببالي ببالك .
وما بعرف كام سنة لازم اتمنالك بالخير والصحة انت لاقي الرقم الي بدك اياه
واذا بدك تتجوز ما رح قلك السنة الجاي تكون عريس .بركي بتلحق تصير بابا ( طبعا اذا بدك , اذا ما بدك تجوز وبعدين منتفق ايمت بتصير بابا )
وخيو بركي هيك كمان السنة الجاي ما تكون عما تشتغل بمحل . بركي هيك بتصير عما تشغل عالم عندك وانت بتضل عما تفتل بين هالمحلات تبعوتك
يا اخي ببساطة روح حقق كل احلامك . وقلون وسيم هوي الي بعتني .
عراسي اخي هاني
كل عام وانت بالف خير يا رب
انا لست على هذا العالم كي اكون كما يردني الغير ان اكون
العلم يخبرني انه لابد من وجود الله
عقلي يخبرني اني لن استطيع فهم هذا الالله
وقلبي يخبرني انه لا داعي لكي افهمه
We ask the Syrian government to stop banning Akhawia