ميشيل نصرليان
هاد الاسم الجديد يللي أطلقوا جماعة 14 شباط على العماد ميشيل عون
بالبداية...و من بعد التحالف يللي صار بين التيار و الوطني الحر ...
و حزب الله سمّوه ميشيل نصر الله
و هو نوع من التهكم و السخرية من هالاتفاق و أنو ميشيل عون فرّط بحقوق المسيحيين و باعهم بتحالفو مع هالفئة المسلمة و يللي انعرفت تاريخياً بمعاداتها لليمين اللبناني
و اليوم و من بعد انتخابات المتن الفرعية ....و من بعد دور الأرمن بفوز مرشح التيار
صار اسمو ميشيل نصرليان ....
و صار هالاتفاق ( بين التيار و الطاشناق ) يعتبر تفريط بالطائفة المارونية ..بما أنو الأرمن مسيحيين كمان
.
.
.
يعني هون منشوف سذاجة و تفاهة جماعة 14 شباط
و اصرارهون على الطائفية السياسية و على التمثيل الطائفي و كأنو شي مذل التحالف بين الطوائف اللبنانية
على اختلافها............ و بنفس الوقت نسوا هالكوكتيل الغريب يللي موجود ب 14 شباط
و يللي ما بيجمعهن غير العمالة ....و غير المصالح الصغيرة و الشخصية
.
.
.
و يللي عجبني هو رد ميشيل عون على هالتسمية .....و انو بيفتخر فيها
و بيفتخر أنو هو بمثل هالمجموعة من القوى اللبنانية ....لأنو كونو مرشح لرئاسة الجمهورية لازم يمثل
كل اللبنانيين ........و ما لازم يكون تمثيلو مقتصر على طايفتو