يا شباب ..خلونا نفكر شوي.....
في برنامج كتير مشهور و معظمكن بيعرفو..اسمو الإتجاه المعاكس..بيكون فيه طرفين عكس بعض تماما بخصوص موضوع من المواضيع..هلأ البرنامج بينتهي بالمشاجرات و المهاترات دايما ..بس خلينا نفكر شوي..أنو شو الهدف من هالبرنامج..
هل الهدف من أن يقنع أحد الطرفين الآخر..هل هذا معقول..
أنا عم قلكن أن حتى لو الطرف التاني اقتنع-و هاد مستحيل-ما رح يأظهر أنو مقتنع ..فإذن شو الفائدة من البرنامج..
الفائدة ما أنو نوصل لنتيجة..لأنو أكيد ما حدا رح يقول بأخرة البرنامج أنو الطرف الفلاني معو حق..الفئدة هيي من المعلومات اللي عم يتحاوروا فيها,,الأفكار و الطريقة..ما حدا رح يقدر يلغي الآخر..
بحوار الأديان كل طرف بدو بنهي الآخر و يحطمو..الهدف من حوار الأديان هو الحوار..ما حدا فينو يحكم على التاني..و لكن في حوار..
منشان تبيين مواطن الإختلاف و الشبه..منشان نسأل ليش أنتو هيك و نشرح ليش نحنا هيك..ما حدا فينو يقول هاد صح و هداك غلط....
كمان بدي أسألكن ..أنو لو واحد ملحد فات على حوار الأديان وهو عم بيقول ..الدين اللي بيقنعني أكتر رح آمن فيه ..بتعدقدو أنو رح يآمن أو يفضل دين عن الآخر..إذا هاي هيي طريقة الحوار..أكيدلأ..و رح يطلع من المنتدى و هو عم بيقول الحمدلله على نعمة الإلحاد ..و بلا وجعة هالراس....
بقا منشات الله خلوه حوار..و يا أخي اللي بيهاجمكن طنششوه.....
أبو عبسي..
و سلام..!
