[معتر ليش ما بعرف]

بصراحة يا شباب انا هالقصة صارت معي شخصيا ( لكان انا ليش معتر يا حزركون ) وقصتي مع البنت الي حبيتا وطبعا كمان كانت من بلد وانا من بلد ونفس الاحاسيس حسيناها بين بعض ومن هالحكي بس في اختلاف زغير كبير هوي اني انا مسلم وهيي مسيحية بس هالشي عاساس انو تفاهمنا عليه ومانو عائق بيناتنا بس بالاخير بعد عدة لقاءات ومو من اول لقاء طلع بالنهاية انو نفس الشي نحنا ما لبعض وطبعا علاقتنا ما ضلت شهر وشهرين وتلاته ... ضلينا سنتين وشوي انا وهيي بالاخير حطينا الحق على ابوها انو عصبي ومتعصب ومن هالحكي هاد ... وافترقنا بلا معرفة السبب الرئيسي بس بعد فترة كنت مفكر انو حياتي من بعدا اكس بس بالعكس هالشي الي صار معي عطاني درس و تعلمت منو منيح ... بقا هلا عن نبحبش على قصة حب جديدة ... يلي بتلاقي عندا الاستعداد بالمنتدى تراسلني مشان نتفق
بقا ابو شريك لا تفكر بالجواب وتضلك عم تدور عليه ليش تركتك .... خلص انسى وكب ورا ضهرك وبلش من اول وجديد وفكر منيح و عد للمليون قبل ما تشعر باي شعور تجاه اي بنت .... والله يوفقك ابو شريك