[وائل 76]

أهلين نبيل .. إشتقنا .!

تحياتي نبيل .. كتبتلك ردي من يومين .. و طار متل العادة لانو النت بتحيون كتير هاي الايام . بتمنى تعذر تأخر ردي عليك .

طيب وين كانت هي الحركات وقت كان الصراع معها دولي ؟؟؟؟ او بالاحرى اقليمي
يعني صار حرب بين مصر واسرائيل .... بين مصر وسوريا .... وبين الاردن واسرائيل ( هي كانت مجبرة عليها )... وهون انا عم احكي عن الصراع العسكري

لو بدنا نحسبها بمنطق مين عمرو أكبر من عمر التاني نبيل بتكون الكفة الراحجة لصالح الناس اللي بتقول _ الموت في سبيل الله أسمى أمانينا _ بمعنى ,,أنا هلاء بقدر ردلك السؤال و قلك وين كانو اليسارين العرب وقت التتار دمروا بغداد و الشام ؟ وين اليبرالي العربي كان وقت باباوات أوربا أرسلو حملاتهم الصليبية ؟! التاريخ و العمر الأطول ما عمرو كان المقياس نبيل لمين أحق من مين .
المعيار الحقيقي لنقول مين من حقوا يبقى و نأيده و من من حقه نطويه من ذاكرتنا هو شو بيقدم هدا التيار و لو كان بعدو صامد ولا إنبطح مع المنبطحين .. يعني ليس من المنطق أنو أنادي بقيام و تأسيس حزب شيوعي اليوم و أنا هم بشوف عتاة الشيوعية أصبح شغلهم الشاغل هو تحير المرأة بالوقت يلي بشوف حزب الله مثلاً أو حماس أو غيرها من تيارات الإسلامية الوسطية عم تدفع من دم ولادها و دم قادتها ليبقى في شي إسمو وطن عربي !!

بس لما الدول يللي ذكرتها وغيرها لقت انو مافيها عليها عسكريا دعمت هي الحركات وكانت الحجة تبعها هي الدين وبالاخص الدين الاسلامي لانو الغالبية مسلمة

مع إحترامي الشديد بس هدا الكلام مانو صحيح نبيل .. أعطيني دليل واحد على صدق هذا الرأي .. حزب الله الصيف الماضي نتبيل ما واجه الكيان الصهيوني بس .. واجه النظام الرسمي العربي كله قبل ما يواجه الكيان .. بل إنتهت معركته مع الكيان الصهيوني أما معركته مع أقطاب الإعتدال و الإنبطاح العربي بعدها قائمة بل و أكثر شراسةً مما سبق .

حماس يا نبيل عم يتآمر عليها القريب قبل البعيد .. الأردن عم تتآمر . مصر عم تتآمر .. محمود عباس عم يتآمر كل الكون و على رأسهم النظام الرسمي العربي عم يتآمر و هلاء جاي تقلي أنو النظام الرسمي العربيث هو من أسس هذه التيارات !!!

طيب بالواقع يللي عشنا عم نشوف انو الحركات هي كلها صارت تفتش على مصالحها ... وانو تضل موجودة وتتصارع بين بعضها للوصول الى السلطة

متل مين يا نبيل ؟؟؟؟ مين شفتوا عم يتصارع ليوصل على السلطة .. السؤال الأهم الوصول للسلطة بيعني من وجهة نظرك الوصول للفردوس الأعلى .؟!
بمعنى هل من الممكن أن يتمتع هؤلاء بنعيم السلطة و المال و الجاه و وصولهم للسلطة مرتبط إرتباط وثيق بنقمة كل الكرة الأرضية عليهم و على شعوبهم لأنهم عم يقولوا _ لا _ ؟
الأدلة على صدق هذا الكلام موجودة بالواقع إنظر لفلسطين إنظر للبنان إنظر للعراق و ستفهم جيداً عما أتحدث ..

التيارات اليسارية مين حاربها بحجة انو هي جاية تقضي على الدين ؟؟؟.... وما بنكر انو في تيارات صفتها وطابعها وجهازها الداخلي ديني
التيارات اليمينية كمان نفس الشي .... تحاربت بحجة انو هدول تبنو افكار غربية وافكار المستعمر وهنن من مؤيدي الصهيونية العالمية
مو الشعوب العربية يللي حاربتها

بالعكس نبيل ما حدا قال إنهم إنقرضوا .. بعدهم موجومدين نبيل و لكن بصيغ أخرها غير الصيغة السابقة .. بالماضي كان في شي إسمو إتحاد سوفيتي و كان في شي إسمو التمدد الشيوعي .. هدا الشي كان كفيل بتأمين الدعم المادي إلهم و لذلك ساروا في ركاب الماركسية .. اليوم إنتهت حقبة التمدد الشيوعي بإنهيار الإتحاد السوفيتي و تزعم الولايات المتحدة للعالم .. هالشي أدى لفقدان مصدر الدعم و التمويل و بالتالي كانوا ملزمين أنهخم يبحثوا عن مصادر بديلة ..
ما كان في مصدر أكثر سخاءً و كرم من صيغة الجمعيات ( الخيرية ) يلي بتجد صدى لها في الجزء الآخر من العالم .. جمعيات لكل شي بدءً من حق " الرودفايلر " بالنشوة و السرور و إنتهاءً عند حقوق " السيامي " في حياة كريمة .. مروراً بحقوق الشواذ و تحرير المرأة إلخ تلك السلسة المقرفة يلي بتستهوي دافع الضرائب في نيويورك أو واشنطن حتى يستحقوا الدعم و التمويل مع هذه الدول لجمعياتهم .. !

هدا مانو كلامي نبيل ولا عم أتجنى عليهم بالعكس .. الماركسين العرب أكدوا للتاريخ مبدأ أن _ الثورة تأكل أولادها _ و فيك ترجع على أحداث تموز سنة 1968 بالعراق لما قدم الحزب الشيوعي العراقي __ عشرات الآلاف __ من أبنائه للمقصلة !!

هدا مانو كلامي و لا عم أتجنى على الماركسين العرب يا نبيل و فيك ترجع للبيان الختامي للمؤتمر السنوي للمثقفين اليسارين في باريس بتارخ 18 / ديسمبر / 2006 .. و هدا جزء من بيانهم الختامي نبيل ..

<<و قد ارتد بعضها أو أعضاء منها إلى مواقع ليبرالية و قبل التكيف مع العولمة الرأسمالية بدعوى أنها حاملة لمشروع "الحرية و الديمقراطية و الرفاه"، و أنها طرف حاسم في الدفاع عن "الإصلاح الديمقراطي" في الأقطار العربية، إن ﻫﺫه الأطراف تجسد بموقفها ﻫﺫا اﻟﺫي يفصل المسألة الديمقراطية عن المسألة الوطنية_ موقف الموالاة للامبريالية، مما يترتب عنه انحسار دور اليسار و ضياع الرؤى المبدئية التي تحكمه و المعبرة عن دوره التحرري و التقدمي الريادي الساعي لمواجهة الامبريالية، من أجل تأسيس عالم بديل يعبر عن مصالح الطبقة العاملة و الشعوب و يقوم على التحرر الوطني و التكافؤ و حرية تقرير المصير و ضمان حق الاختلاف و التعدد و العدالة و المساواة الاجتماعية، و الديمقراطية. وكان من نتيجة الهجوم امبريالي ﻜﺫلك ما عرفته الساحة السياسية العالمية من انكسارات للمشروع الاشتراكي ألأممي و ارتداد في الساحة العربية >>


هدا كلامهم هما نبيل و ليس كلامي أنا !!! إرجع للبيان و إقرئه و تمعن فيما ورد فيه ستصل لحقيقية واحدة جلية مفادها أن الماركسين العرب ليسوا سوا ثلة من مصاصي الدماء و المرتزقة .. و أن ما يجمع بينهم و بين " كاوتسكي " أكبر بكثير مما يجمع بينهم و بين ماركس !!