[Diram]

شباب برأيي المشكلة هلا صاير بنفس الأحزاب اليسارية اللي عم نحكي عنا ..
أنا متفق مع الاأغلبية أنو الأحزاب اليسارية هي الحل الأمثل بس ما بتوقع أنو أي من الأحزاب أو الحركات اليسارية الموجودة حالياً بتلبي طموح المواطن السوري ..
فالأحزاب اليسارية التي يعتبرها أغلب الجماهير أحزاب موالية للسلطة - الحزبان الشيوعيان الموجودان في الجبهة مثلاً - هي الأحزاب صاير الظل الأعمى لحزب البعث يعني , كيف ممكن حزب شيوعي مثلاً يكون عضواً في جبهة وطنية تقود الإقتصاد الوطني نحو النظام الرأسمالي .. هي مثال صغير طبعاً ..

بالمقابل الأحزاب والحركات الشبه جديدة كتجمع اليسار الماركسي في سوريا ما هي إلا تجمع للعناصر اللي كانت شبه ضايعة في الأحزاب الشيوعية الأساسية - الحزب الشيوعي السوري , حزب العمل الشيوعي - يعني أغلب الموقعين على البيان التأسيسي للتجمع الماركسي هم من بقايا الأحزاب الماركسية أو الشيوعية الأساسية , والهدف الأساسي لهي العناصر هو الحصول على أكبر كم ممكن من الجماهير للوصول من جديد إلى بعض المناصب و الأمتيازات اللي حرمو منها في أحزابهم الأصلية - أكبر مثال على هذا شخصيات متل قدري جميل -
يعني ما نفكر أنو كل حزب طرح حالو كمعارض للسلطة هو معارض فعلي أكبر الأحزاب المعارضة في سوريا تنتظر أي موافق كي تنتسب إلى الجبهة الوطنية اللي بيعتبروها في الوقت الحالي - يعني لما بتكون بدونهم - بيعتبروها العدو الأساسي للحياة السياسية في سوريا وهاد الحكي بيشمل الحركات اليسارية الشابة والأحزاب الكردية وغيرها ..

في النهاية بيان التجمع حلو كبيان فقط بس متلو متل كل هالبيانات والأنظمة والمقررات التي بتطلع فيها كل الأحزاب ..
سؤال بسيط : كيف بيطلبو حقوق مواطنة ولسه في ناس ما عندهم جنسية .. كيف بيطالبو بشغلات متل تعديل الدستور والعالم عم تصيح من سنين مشان يلغو قانون الطوارئ وما حدا عم بيرد ..
يعني مو كل من حكالو شغلة بدو يعملا ..

نقطة أخيرة بالنسبة لحقوق الناس اللي بيتسمون بالأقليات " طبعاً هني مو أقليات لأنو نسبة 15% ما بتعتبر أقلية والحكي عن الأكراد مثلاً " .. بالنسبة لحقوق هدول العالم الطرح تبع التجمع الماركسي حلو من حيث المبدأ بس فيه نقطتين صغار ..
أولاً أنو ليش التركيز على الكراد دون بقية الأقليات يعني بسبب وجود حزب كردي في الحركة ..
ثانياً نفس الفكرة اللي حكيتا قبل شوي أنو هالمطالب عم تنطرح من أكتر من عشر سنين وما حدا عم بيرد عليها يعني الكل بيحكي حكي حلو بس وين اللين بدو يقدر يعمل شي ع أرض الواقع