مسافر
UP
مسافر..مسافر..واللي افتكرته حبيب
وانا اللي ياما غنيت على الليالي
في الفرح موال وفي الجرح موال والصبر موال
وأصبح على دي الحال غريب ولاحد جنبي قريب
قلت مسلفر مسافر
وخايفه لما تسافر تنسى انك فايت في بلدالغريب
تنسى انك فايت في بلدك حبيب
مستنى باشواق تعبان من الفراق
ونولعلك شمعه نورها مستقبلك
وف عيونه دمعة تمسحها بعينيك
ولما تيجي تاني من البلد الغريب
يومين اسافر يمكن احايل الصبر في سكيني
يمكن الاقي الفرح في غربتي
كان نفسي اكون جنبك حبيبه من بلدك
تسهر على راحتك تفرح لفرحك وتقاسمك في جرحك
ما تهملش وعدك لما تيجي تاني من البلد الغريب
خايفه تلاقي ورده تحلى ف عينيك
تنساني وتميل تقطفها بايديك
وتجرحك الاشواك وتتعذب هناك
واقطفها بايده ولا تجرحش ايديه
سبت الجرح لي وخللي الفرح ليك
بس تيجي تاني تاني من البلد الغريب
--------------------------------------------------------------------------------
مكسوفه
UP
مكسوفه منك مش قادره اقولك اني احبك
لاانا قد حبك ولا قد قلبك
لكن باحبك واعمل ايه مكسوفه منك
الحب غنوه وكلمه حلوه
حيجري ايه لو قلتها لي
دا انا من كسوفي وكتر خوفي
مش قادره اقولها قولها بدالي
مكسوفه ليه وفيها ايه..
دنا باحبك واعمل ايه مكسوفه
حرام عليك تعبت عنيك
تشغل عيني طول الليالي
حاولت اخبي حبك في قلبي
ليبان علي كتر انشغالي
مكسوفه اروح لك وازاي حاقول لك
--------------------------------------------------------------------------------
مين قلك تسكن في حارتنا
UP
مين قالك تسكن في حارتنا تشغلنا وتقل راحتنا
ياتشوف لك حل في حكايتنايا تعزل وتسيب حتتنا
شوفحبك عامل ايه فيه من يوم ماسكنت وجيت جنبي
لانا عارفه اتلم على عنيه ولاعارفه حاجه عن قلبي
حبيتك ايوه انا مش ناكره
والحب عذاب وانت ادرى
انت اللي زرعت الشوك في بيتنا وعلى باب بيتنا
يا تشوف لك حل في حكايتنا يا تعزل وتسيب حتتنا
بيجي ابويا يعوز فنجان قهوه اعمله شاي واسقيه لامي
وخيالك بيجي على سهوه ما فرقشي بين خالتي وعمي
آخرتها ايه انا مش عارفه
وحاترسى لايه والله انا خايفه
خايفه لتروح يوم وتسيبنا والعقل ما فيش غيره حيلتنا
يا تشوف لك حل في حكايتنا يا تعزل وتسيب حتتنا
تشاور لي انزل واقابلك يا خي بعدك بيتنا ماهو جنبك
لوجيت ابويا حيفتح لك خد وادي معاه افتح قلبك
ومفكش حاجه بتعيب لمايسالني رح اقول طيب
النور ينقاد حوالين بيتنا داير ما يدور في بلكونتنا
ياتشوفلك حل في حكايتنا يا تعزل وتسيب حتتنا
--------------------------------------------------------------------------------
يا حسن ياخولي
UP
تاليف ابو السعود الايباري-لحن محمد شريف
حسن يا خولي الجنينه ياحسن ياحسن يا غالي علينا يا حسن
يا خولي الجنينه ادلع يا حسن
يا عقلي يا روحي يانور العيون
يابلسم جروحي يا اصل الشجون
يافتنه يا زينه يا سلوى الحزينه
عالبال او ناسينا يا خاين يا حسن
يا خولي الجنينه ادلع ياحسن
ياخاين بحبك ياظالم يا قاسي
ياعينك يا قلبك يا وعدي يا كاسي
شوف ازاي بقينا يا كبدي علينا
صبرنا وقاسينا ليالي يا حسن
يا خولي الجنينه ادلع ياحسن
يا اول حبايبي يا آسر فؤادي
انا رضيت بنيابي وذلي وسهادي
في يوم ما التقينا وناحت عنينا
كتبنا بايدينا نصيبنا ياحسن
يا حسن ياخولي الجنينه يا حسن يا غالي علينا
ياخولي الجنينه ادلع ياحسن
--------------------------------------------------------------------------------
شفت القمر
كلمات عبد الوهاب محمد
شفت القمرعلى طلعتك بالي انشرح
وقلت امتى في رجعتك بيجي الفرح
انا قلبي طار م الشوق اليك
راح للنجوم يسال عليك
ولما ما لقتش لعنيك في الليل اثر
بوست الهوى وبعت بوستي للقمر
على طلعتك شفت القمر احساسي قال
ان انت اجمل م القمرومن الجمال
وهواك وعدني اسهر هناعلشان ربطنا ببعضنا
في جو يقرب لنا بعد البلاد
انا قلبي طار م الشوق اليك راح للنجوم يسأل عليك
بعت بوستي للقمر يمكن يكون
سهران وشارد في السهر صاحي العيون
وبتهدي بوستك للقمر وانا باهدي بوستي للقمر
يتقابلوا الاتنين في السهرمن غير ميعاد
انا قلبي طار من الشوق اليك
--------------------------------------------------------------------------------
غاب القمر
كلمات الشاعر حمدي نجيب- تلحين الموجي
غاب القمر يا ابن عمي ياللا روحني دي النسمه آخر الليل بتفوت وتجرحني
والصوت دليل في الخلا واليل غااب ما عاد له دليل
لمس الفضا واتملا قلبي بنجوم الليل
صار النسيم بالشوق ماكلمتك لمس النسيم توبي برمش عيونك
غاب القمر يا ابن عمي ياللا روحني
الليل وحدي ووحدك سايبين هوانا بعيد فين الحواديت وفين سهرتنا تحت الصي
يا خوفي من الظلمه تتهوني وانت بعيد غاب القمر ياحبيبي بعد ما قال لنا جي
غاب القمر يا ابن عمي يالا روحني
ضحك الهوى حواليك واتقابلت النسمات
سلم على الهوى بايده عليك حكايات
مشوارنا همسه وضحكه شارده في الفضا
بعت الامل مرسال بعت النجوم موال
وخطوتك وانت جنبي شوق اليك يمرجحني
غاب القمر يا ابن عمي ياللا روحني
--------------------------------------------------------------------------------
شبك حبيبي
تاليف فتحي قنوره – لحن منير مراد
شبك حبيبي شبك قلبي وشبك روحي
بالعين رمالي الشبك ما دريت انا بروحي
اخاف عليه من الهوى خوفي على عنيه
والدنيا واحنا سوى ترقص حواليه
بيني وبينه شبك ورمش عينه شبك
وان كان لجرحي دوا يبقى حبيب روحي
بالعين رمالي الشبك ما دريت انا بروحي
شبك حبيبي شبك قلبي وشبك روحي
كل الامل في هواه اخطر على باله
وقبل ما يقول آه انا اللي اقول ها له
ماحد قبله شبك ولا حد بعده شبك
وان كنت يوم انساه ابقى نسيت روحي
شبك حبيبي شبك قلبي وشبك روحي
ان كان بعيد او هنا القلب ينده له
واغير عليه مني انا واحسد عليه اهله
من صغر سني شبك خد عقلي مني شبك
واليوم عليه بسنه وصعبت على روحي
شبك حبيبي شبك قلبي وشبك روحي
--------------------------------------------------------------------------------
شباكنا ستايره حرير
كلمات مرسي جميل عزيز- لحن محمد الموجي
شباكنا ستايره حرير من نسمةشوق بيطير
وبقى لي كتير يا حبيبي يا حبيبي بقالي كتير
استنى تجيب الفرحه والتوب الابيض والطرحه
ونطير زي العصافير
شباكنا ستايره حرير ياللا يا حبيبي نطير
واقطف لي من البستان عقدين حب الرمان
وتلات وردات اخوات اشبكهم ع الفستان
ونطير زي العصافير
شباكنا ستايره حرير يلا يا حبيبي نطير
والنسمه تلعب بينا وتجيبنا وتودينا
نصبح على فرحة ورده ونبات على نور الياسمينا
ونطير زي العصافير
افرد جناحين الشوق وتعالى نطير من فوق
نسكن مع نجمه بعيد مشغوله بحب جديد
لا حد هناك يسمعنا مهما نقول ولا نعيد
ونطير زي العصافير
شباكنا ستايره حرير من نسمة شوق بيطير
=========
|