[BL@CK]

كاتب النص الأصلي : Schnitzer

هلأ اول شي ...بما اننو انتي مجموعك بيدخلك معلوماتيه او مدني ..فاكيد بيدخلك كتير كليات و معاهد تانيه ...
بس بما اننو حصرتي اختيارك بهالكليتين ..معناها بقدر قول ..اننو ميولك او رغبتك و هوايتك بهالتنتين ..صح ..ولا انا غلطان ..؟؟
هلأ بما اننو انتي عندك رغبه بالهتنتين ...انا بقدر انصحك بالمعلوماتيه ,,بما اننو انا عمبدرسها ...بس كمان لا زم تشوفي حدا عميدرس مدني ...و بالاخير بعد ما تاخدي فكره عن التنتين بترجع الشغله لهوايتك و ميولك متل ما قلتلك بالبدايه ..

هلأ شو المعلوماتيه ,,؟؟ هي عباره عن كلية ..بتدرسك الحاسوب ..بس من الناحيه البرمجيه اكتر من اننو Hardware و هادا الفرق بين المعلوماتيه وهندسة الحاسبات ...يعني بالمعلوماتيه ..في 3 اختصاصات ببلشو من السنة التالته ..و هنن الذكاء الصنعي ..هندسة الشبكات ,,هندسة البرمجيات ...
يعني لازم تحطي ببالك ..اننو هالكليه موجهة لدراسة الحاسوب و علومه ...هلأ بما اننو انا دخلتها عن رغبه ...و هوايه فكتيييييييير بحبها ..و بشوفها احسن الكليات ...بس كمان ..في و حده من رفقاتي ..داخلتها لأننو هي اعلى مجموع طلعلها ..فما بتحبها ...بتلاقيها عمتنجح و بتجيب معدلات عاليه ..بس بيتجي بتساليها عن المعلومات العامه بهالمجال ..يعني شي خارج المنهاج ..بتلاقيها صفر ...
فبرجع بقلكك ...الشغله بالنهايه ...رغبه و ميول ...فسالي شي حدا بالمدني ..مشان يشرحلك شوي عنها ..و هيك بتقارني بيناتهون ..و انشالله كون عطيتك لمحه و لو بسيطه عن كلية المعلوماتيه ...و بالاخير اللله يوفقك

كلامك ما عليه غبار ...

بس بحب ضيف .. مشكلتنا أنو مناخد أعلا فرع طلع عالمفاضلة و منعتبروه هوي اللي كان رغبتنا من الصغر .. هون الغلط

أنا وقعت بهالغلط مدري لمّا طلعت المفاضلة حسيت أنو كان أملي و أحلامي كلو بفرعي ..

و مدري هلأ ليه عم حس أنو ما عم حبّو و كرهانو ..

لذا نصيحة بحبشي بالكليات و المعاهد اللي لتحت شوي بالمفاضلة .. لا تحصري اختيارك بأفضل كليتين ..

بجوز تلاقي ميولك بكلية مجموعا 150 .. محد بيعرف ..

درسي شي بتحبي و بتميلي الو أحسن ما تدرسي كلية مشان السمعة و أنو هندسة و طب و من هالعلاك الفاضي ..

و على عيني ..