إلى الحاج متولي...
اول شي يا ريت بلا جرح
بشان تقدر توصل الفكرة والشغلة مو بالعناد يعني استخدم عبارة مثليين ولاحظت على
حالك انك ما استعملتا من بداية حديثك لنهايتو
انا بالنسبة للمرضية فمو انت يللي تصنف اذا الحالة مرضية وللا لا يعني مانك اذكى من
الاف الاطباء واذا تظن هالشي فأنت بمشكلة
بس بكل بساطة انو المثلية نتيجة اخطاء جينية متل مثلا طفل يولد فيو خلل عقلي .. طيب
بتقدر تحاسبو انو ولد مجنون
والمثلية مانا حالة مخلة الاداب كونها ما عم تمس شرفك او شرف مشتهي الجنس الاخر
متلك ولا عم تأثر عليكون يعني نحن بحالنا
ونحن مو على غلط كوننا ولدنا هيك يعني مو غلطنا اننا ولدنا هيك طبعا ما بنكر اننا
مختلفين عنكون جنسيا بس انتو بتشوفو انو كل واحد مختلف عنكون فبتكرهوه طيب ليش؟
وفي فرق شاسع بين الاغتصاب والمثلية
لأن المثلية بقبول الطرفين اما الاغتصاب فمن اسمو مبين
والعلاقات الجنسية بالاماكن العامة بتخدش الحياء كونها اما الجميع اما نحن فبنكون لحالنا
ليش لنخدش الحياء
ما دخل الموقع اذا عربي ولا انلكيزي انشالله يهودي الواحد حر كيف يكتب اسمو
بعدين ترجمتا مانها لوطي ترجمتا مثلي يعني السوري المثلي جنسيا
وانا ما بعترف حالي لوطي والسبب اني بشك بتفسير القرأن والانجيل والتوراة (طبعا رأي
شخصي) انو ما عرفو يميزو بالتفسير بين المثلي وبني لوط فبعتقد الله ما كان قصدو نحن
بل قصدوعلى قوم لوط هدول يلي بيتخذو المثلية للتسلية او تغيير شكل فأنت شو بيعرفك
انو قوم لوط كانو مثليين بعدين يعني معقول كللون مثليين وكللون معون خلل بالجينات
ومعقول الله بيخلقنا مثليين بعدين يأمر بضربنا وقتلنا يعني منطقيا ما بتزبط طيب
بعدين بالاية القرأنية تبع (يأتون الفاحشة دون النساء) ماني حافظها بصراحة المهم كيف
توالدو هالقوم اذا ما يأتون النساء معناتها ما كانو مثليين لأن المثليين ما بيشتهو الجنس
الاخر
اما ليش اقرن الاسم لسوريا لأن مو سوريا الوحيدة لحالها فيها مثلية كل بلدان العالم بس يعني لتصنيفي انو انا غاي وسوري بشان حاول تغيير النظرة النا انو لو كنت المثلي السوداني مثلا كان يللي امثالك بدون يقولو الحمدلله نحن بسوريا ما عنا هيك شي ومدري شو وانو شو بدي فيه هو بالسودان وانا بسوريا يصطفل بس حى اثبت انو انا سوري ومثلي جنسيا وتقبلوني على اني هيك
وطبعا كل انسان يريد انو عالمو وعائلتو يكونو بأفضل الاحوال بس ما بعتقد اني عم ضر حدا واني مو غلطان لأن انا ولدت هيك واحسن من اني خبي رأسي متل النعامة بشان افكار خاطئة موجودين بالمجتمع وطبعا اذا انتبهت انو اغلب المثقفين والدارسين لمراحل متقدمة والاطباء ما عندون مشكلة مع المثلية لأن عرفو اسبابها تماما وانو المثلي ما عم يضر حدا
وبالاخير رح وجهلك كلمة وقلك انو ما بتقدر تمنع كل المثليين وانو هادا واقع موجود يعني العناد بعد تقبلون ما رح يوصلك لنتيجة بالعكس رح يزيد الطين بلة فشغلة معروف انو المقيد بيصير اعنف بطلب حقوقو
وانو الدنيا مبينة على تقبل الاخر والدنيا ما رح توقف عليك يعني اذا انت ما اتقبلتني في غيرك بيتقبل كوني ما عم ضرو وكونو مع حرية مين مابدي حب
يا ريت يكون اقتنعت لأن بعتقد اكتر من هيك حكي صريح ما بينقال
