[الحاج متولي]

كاتب النص الأصلي : amir 2006

يا حبيب يعني فكر بالموضوع شوي يعني وين بدهم يروحوا يعني نحن عرب ولازم نستحمل بعض يعني مثلاً صار أنت عندك حرب لاسمح الله وأولادك وعيلتك أهلك معرضين للخطر وين بدك تروح صح أرتفعت الأسعار بس مو الحق على العراقيين هدول التجار الكلاب هي لعبة منهم عرفت كيف علي حبيبي يعني شو مثلاً سبب غلاء البيوت ؟؟؟؟
هو صاحب البيت غلاه يعني هيك تجارنا بيستحكموا الوضع يا حبيبي

تحياتي لألك يا غالي ...ولتفهمك للموضوع...و بيت الديق بيسع ألف صديق ....بس المشكلة إني في ناس دايماً من فشلها بتحب تحط الحق على أتفه الأسباب...مع إحترامي لصاحب الموضوع...يلي بالتأكيد أنا ما عم بقصدوا فيه

كاتب النص الأصلي : eng.munther

تحية ليكم احبتي ويسعد مساؤكم بكل الخير . .

اخوكم عراقي وساكن بالعراق . . رحت عالشام مرتين وحسيت نفسي بين اهلي وناسي . .

قبل هيك رحت لعمان مرتين وسكنت بارقى مكان بعمان (الجاردنز) اللي رايح لعمان اكيد راح يعرف هذه المنطقة

بس صدقا ً ما حسيت بأي ألفة بعمان . .

طيبة الشعب السوري واخلاقه هي اللي خلت العراقيين يلجؤون لبلدهم الثاني وبنفس الوقت ظروف العراق التعيسة اللي ما الها حل . .

صدقني ماحدا يحب يتبهدل ويبعد عن بيته ويعيش مشرد . .

بس حط مكانك بدل العراقيين . . اول شيء امان مافي والقتل بالجملة يوميا ً . . ثاني شيء الاسعار نار وشغل مافي . . وثالث شيء مافي عنا كهرباء ابدا ً تخيل بهالصيف الحار ومافي كهرباء الناس هون كلها عايشة على مولدات الكهربا اللي يادوب تشغلك تلفزيون ومروحة . .

بالسبعينات والثمانينات العراق كان ملجأ لكل العرب وبال73 كمان العراق حمى سوريا بدماء ابناءه . .

موقف سوريا الشريف اليوم مع العراقيين مستحيل اي عراقي ينساه . .

الله يحمي سوريا واهلها . .

والله يحرر العراق وينصر المقاومة . .

والحمدلله على كل حال . .

تحياتي لإلك ولكل العراقيين الشرفاء و إن ما شالتكن الأرض بتشيلكن عيونا و الله يكون معكن

كاتب النص الأصلي : تالين

ولله الاجانب عم يستئبلو خيرات الله ناس و دون حروب كمان
بئا خلينا مرة نكون متلهون و الشعب العراقي في حرب عندو يعني شو رح يصير اذا ستحملنا بعض شوي
ما بعرف هاد رايي

تالين يا حنونة إنتي
أحلى رأي بالعالم

كاتب النص الأصلي : GOVERMENT

العراقيين كترو وغلو الاسعار صح

بس تجارنا هنن كلاب وهنن اللي بدن ياها من الله
الله ينعلن

تسلم يا ملك .......بس لاتكون زعلان مني ................بس .....رح صالحك

كاتب النص الأصلي : maged-syrian

طيب ليش الدول المجاورة مااستقبلت الاعداد الكبيرة من النازحين العراقيين !!
ليش كل شيء على سوريا وبالاحرى كل شيء على رقبة المواطن السوري المسكين ... خصوصا اللي عندو عيلة !! على عيني وراسي انا بحب اقوم بفعل الخير بس مو على حساب اهلي وناسي ... بدي اسأل كل واحد بيتصفح هالموضوع سؤال ويجاوبني بصراحة.
اذا صارت حريقة ببيتك وببيت جارك بوقت واحد وجارك مو موجود وانت موجود .. بتطفي الحريقة ببيتك بالاول ولا ببيت جارك ؟؟؟
حاوبوني على هاد السؤال بصراحة

شيء تاني ليش مانساوي مخيمات للنازحيين العراقيين بعيدة عن المدن الرئيسية يلي مابتتحمل ضغط سكاني متل مدينة دمشق وحلب ؟؟ الا يعتبر هاد حل وسطي جيد بالنسبة للعراقيين والسوريين !!

بالله عليكم مابتزعلو لمن تشوفوا عوائل سورية مشردة بالشوارع والحدائق العامة بسبب تضخم اسعار الايجارات بنسبة 400% في بعض المدن الرئيسية واللي تسبب فيه العراقيين باعتبار انهم يدفعون بالدولار كمان مو بالليرة

يا أخي مو من عادات الشعب الكريم يحكي بهيك تفاصيل
و أنا مارح قلك غير الله لا يحطك محلهن
أما بالنسبة للأسر المتشردة بالشوارع فهي مو مشكلتك ولا مشكلة الشعب العراقي
هي صدقني مشكلة الحكومة أولاً و التاجر ثانياً..و إنته و أنا بنعرف إني أكتر من 35% من البيوت في دمشق و حلب فارغة .....و هي عبارة عن تجارة فقط لا غير
و روح وشوف

كاتب النص الأصلي : اممي

في اسال شي عالماشي...
كل بلد بالعالم بتطلع روحو بالطول وبالعرض مشان يجيب سواح يتسوقو ويستاجرو ويدفع بالعملة الصعبة
طيب خيي اعتبرو القصة سياحة في تقارير بتقول في مليون عراقي بالبلد طيب لو كل واحد منن صرف بالشهر 5000ليرة يعني 100$ هاد بيوصل ان بالسنة 1200$ ضرب مليون يساوي مليار وميتين مليون
طيب اذا ميزانية البلد 6 مليار يعني هالشباب عم يساهموا بشي 20% من الميزانية
بس المصيبة ان نحنا بدنا اي شماعة تحط سبب مشاكلنا عليها وهون المصيبة
قبل كان كلما دق الكوز بالجرة بنقول الوحدة العربية بعدين صارت قصة ان نحنا دولة مواجهه بعدها ماالعالم نست اسرائيل وصارت موديل قديم بلشنا بالعراقين....صحيح ماعرفتوا شو سبب موجة الحر؟اكيد هي كمان بسبب العراقين

أنا ليش شاكك إنك مو اممي
تحياتي لإلك يا غالي
و أحلى أبو شريك
تحياتي
الحاج متولي
و الله و محمد و المسيح عيسى و موسى مع العراقيين
ونحنى معاكم على الحلوة و المرة