[Willi]

لا تفهم من كلامي اني ضد المواضيع التسلاي.
نهائيا.

لاكن قصدي انو اذا بدنا نحاول نزيد مواضيع عالطفش. رح يصير اخوية ما بيفرق شي عن باقي المنتديات اللي عالانترنت.
لانو اكيد الواحد ما رح يقعد يمخمخ ويكتب شي 10 مواضيع بالنهار كلها بمستوى عالي.
رح يروح يدور شو في بباقي المنتديات. واللي بشوفو قدامو بيلصقو هون.
انا هاد تعليقي. انو اذا بدنا نزيد مواضيع اخوية, فالافضل انو ما يكون بهالطريقة.
المواضيع الحلوة واللي فيها تفكير واللي بتفيد, هية اللي بتجيب عدد كبير من الزوار.

يعني الواحد ما رح يروح يدور عالانترنت ويكتب والله, لعبة اجحش واحد بالمنتدى.(وهون ماني عم انتقد اللي عم يشاركو باللعبة, ولا حتى اللعبة)بس يعني بديهيا الواحد ما رح يقعد يقرا هالمليون صفحة اللي بالموضوع واللي كلها ارقام.
بالعكس مثلا رح يدور على موضوع. دوران الارض حول الشمس (مثلا)
ورح يقرا صفحات الموضوع كلو, ليوصل للي بدو ياه.