اقتباس:
كاتب النص الأصلي : اية الرحمان
يعني شادة بس يمكن تكون موجودة
اكيد انو القتل غلط والرد على الجريمة جريمة
بس هالقصة فيها حالة دفاع عن النفس اكثر من ارتكاب جريمة يعني ماني مع الاب بس بالعقل وبالمنطق انسان بال 98 كتير كبير يعني المسكين اكيد لولا انو الولد وصلو لحدود صبرو وقدرتو لما كان قتلو وبعدين لا تنسو انو كان بدو يضربو للرجلين بس لانو ختير الطلقة راحت لفوق واصابت عنق الابن يعني حالة دفاع عن النفس بالتخويف وصلت لهالجريمة اكتر شي بينسجن ويموت بالسجن
تاني شي للاعضاء يالي حكيو انو الشب كان يعاني طيب ليش لما بيكون الواحد حي ما يحاول يتقرب من يالي عندهم نفس المشاكل ويغيرها وحلها ولا بس يسكت ويوم يحكي بقلل ادبو ووصل حالو للهلاك وابوه للسجن وين المخ
اي اغلب الشباب عنا بدهم بفرد مرة بيت سيارة زوجة مصاري فيزا يمكن اهاليهم غلطو انو جابوهم بهيك ظروف بس هاي سنة الحياة ويالي بدو شي يشمر على ايديه مو يستنى اهلو يوكلوه ويشربوه ويدرسوه وكمان يجوزوه وللاشارة الاب ما حكى غلط قال كمل ماجيستار بعدين بنحكي يعني بدو مصلحتو
|
هللأ انا ما عم برر تصرف الابن ولا تصرف الاب، وانما عم احكي عن الشي اللي شايف انو غلط ، واللي مو كتير مقتنع فيه (برأيي المتواضع).
عم تقولي دفاع عن النفس، واسمحيلي قلك انو هالكلام غير دقيق، لأنو الدفاع عن النفس باستخدام السلاح فقط لما الطرف الاخر بيكون مسلح، يعني استخدام السلاح ضد انسان اعزل، مابيكون دفاع عن النفس أبدا، واذا بدك نحلل تحليل منطقي، حتى لو طولت عليكي شوي، عم تقولي انو الاب كان موجه البندقية على رجلين الولد، وبالغلط اجت الطلقة بعنقه، وهون منطقيا،هالشي مو ممكن يصير الا اذا كان الاب بعيد عن الابن مالايقل عن 30 متر ، مابدي قول اكتر، يعني مو ممكن يكون بعيد عنو 4 امتار ويصوب على رجليه، وترتفع البندقية لحتى تصيب عنق الولد،وعم تقولي بانو هالشي صار لأن الاب ختيار، وانا بقلك ، لأنه ختيار ولا يمتلك القوة الكافية،فهذا بحد ذاته ادانة للرجل ودليل على كذبه، فالبندقية بسبب ثقلها لازم تكون موجهة للأسفل بشكل طبيعي، الا اذا رفعت عمدا، واعتقد هذا ما فعله الاب.
اضافة الى ذلك، الفترة اللي احتاجها الاب ليفتح الخزانة ويطلع البندقية كمان دليل على انو ما كان في حالة واحد عم يُعتدى عليه، والا لما كان سمحلو اصلا باخراجها، او بالاحرى ماكان رح يتوفرلو الوقت لاخراج البندقية، وبالذات انو المفترض الاب عجوز،وحركته المفروض تكون ثقيلة.
هذا كلامك:
تاني شي للاعضاء يالي حكيو انو الشب كان يعاني طيب ليش لما بيكون الواحد حي ما يحاول يتقرب من يالي عندهم نفس المشاكل ويغيرها وحلها ولا بس يسكت ويوم يحكي بقلل ادبو ووصل حالو للهلاك وابوه للسجن.
أكيد الفارق الشاسع بالعمر بين الاب والابن، بيسبب صعوبات هائلة بالتفاهم بين الاثنين، وحتى لو لم يكن الفارق شاسع، بمجتمعاتنا الاب ما عندو استعداد يستمع للابن، وبيتعامل معو (غالبا) على انو بعدو صغير وجاهل وماعندو خبرة بالحياة، طبعا ماعم عمم ولكن اعتقد انو الغالبيه مازالو عم يتعاملو بهالعقلية، مشان هيك بيوصل الولد لمرحلة بيحس فيها انو ولا شي، وانو مخلوق فقط لحتى ينفذ الاوامر ، سواء اقتنع بها ام لا، وهذا مايسبب الانفجار في النهاية.وبيقول المتل اذا كبر ابنك خاويه، مو اقتله.
تحياتي الك، وبهنيكي على روحك الطويلة في النقاش