اقتصاد مو اقتصاد
ياجماعة هي مو دولة هي بتشبه العشيرة ايام زمان
مو على اساس الرئيس بعثي وقائد البعث وما عندو مشكلة يخالف منطلقات البعث
وهو رئيس الجمهورية وبيخالف ((الدستورر))
والجماهير الكادحة ومجلس الشعب الموقر نازلين تسقيف ومبسوطين قال شو حكي اللي معو واللي عليه اي والله ماحكا شي غير علينا
هدول المخالفتين عن طريق طرح اقتصاد السوق واللي قام بتجميلها الرئيس واضاف كلمة الاجتماعي
حدا بيعرف شو يعني هالحكي؟؟؟
يعني تحويل سوريا من دولة ذات نظام اميل الى الاشتراكي الى نظام نيوليبرالي وفعلا الرئيس بيقول وبيفعل وعدنا وبدأ التنفيذ بسرعة وكانو مو مصدق ايمتى تصير كل المصاري بايدي "بعض" التجار و اللي عم نشوفو من ارتفاع جنوني باسعار المواد الاساسية هادا غيض من فيض سيقودنا اليه اقتصاد السوق
والحقيقة انو الصمود والتحدي ودعم المقاومة بدو شعب شبعان وبالو مرتاح موشعب عم يعمل جهدو ليأمن لقمة الخبز لان المقاومة الحقيقية واللي بتستمر هي اللي بتعتمد عالشعب مو بس على احمدي نجاد
ان عشت فعش حراً او مت كالاشجار وقوفاً
|