[hanny dagher]

قرار حاروي

بعد الاجتماع والتداول مع اعضاء مجلس الحارة من صغيرهن لكبيرهن لمقمط بسريرهن
يعني كان بالاجتماع شي 250 فرد وفردة بالاضافة لأعضاء مؤخرة الرأس الحاروية الثابتة بمحلا
واعضاء كل الاحباب في الحارة (بتعرفو نحنا عنا بالحارة في شي سبع او تمن احباب وكل حب منن بيتكونلو من شي كزا عضو مجلس ادارة و وو و وبالاضافة الى مؤيدي هالحب هاد)
وقد كان الاجتماع مغلق ومقفول بمفتاح KW1 فخر الصناعة الوطنية لمنع اي واحد من التبولة الرابعة انو يخش عالاجتماع لاسباب فنية طارئة
وبعد عدة جلسات واخد ورد وخدني وجيتك وروح وتعى وطلاع ونزيل وطلاع وفوت
وبعد كل المشاكل اللي صارت بسبب اعضاء حب المعارضة التراجعي الانبطاحي لانو قررو يفتعلو مشاكل مع اعضاء حب الحارة التقدمي الاشتراكي بسبب جدول اعمال المجلس
فقدر تقرر مايلي :

1-من مبدأ العقل السليم في الجسم السليم تقرر مصادرة كل الموتيرات والبسكليتات في الحارة وتوزيع ابواط رياضية بدل عنن مشان العالم تتعود عالمشي لانو المشي بيفيد الجهاز الاطراحي والكلاوي وانتو بتعرفو انو من اهداف مجلس الحارة انو ينشطو جهاز الاطراح مشان كل شي يسمعو ابن الحارة على تلفزيون الحارة من فوق يروحو من تحت

2-اقر المجلس بانه يجب علينا بان نطلق سراح المعتقلين اللي كسرو شبابيك الحارة هني وعم يلعبو ب "الفوتبول" او كانو عم يلعبو "شكر بكر" او عم يلعبو "أحي" اضافة للمعتقلين اللي كسرو حاجز الصمت بان تفوهو بكلمات نابية على الملأ وافسدو جيل الشباب بالحارة وقد تم اخذ القرار بالاجماع للاسباب التالية:
*- حب المعارضة هدد باعمال ارهابية بالحارة تشمل تسكير المجارير وتصطيم المصافي وبالتالي ستفوح الريحة السامة بالحارة
*- اعمال العنف التي تعرض لها المعتقلين بالقبو اللي موجود تحت مجلس الحارة كافية لانو يتوبو ويعودو لطريق الصواب وما يفكرو يعملو اعمال اجرامية تانية

3- تقرر السماح (بطلب من جماعة المحششين الحارويين ) باستيراد وتصدير الحشيش بمختلف انواعو وقد تم توقيع اتفاقية مع ابو حشيشة الذي اصبح مسؤول عن هالموضوع هادا

4- تقرر وبشكل نهائي وبشكل محسوم وبقرار غير قابل للطعن بالنقض انو الحشيشة مفيدة لخلايا الدماغ وعليه توجب ان نعود حضرتنا الى الحشيش في فترة السنتين القادمات (يعني مو قريبا) ولتذهب خلايا الرئتين الى الجحيم (طول عمرو الدماغ اعلى شأنا من الرئتين )

5- تقرر وبشكل نهائي وبشكل محسوم وبقرار غير قابل للطعن بالنقض انو لا قرارات حاروية بعد اليوم وعليه تقرر حل مجلس الحارة على ان يبقى ما ورد اعلاه ساري المفعول بما فيه مصلحة الدماغ وجهاز الاطراح

: shock::s hock: