[اية الرحمان]

[quote=COSTA;667129]

طولي بالك شوي

بالي طويل

الموضوع كبير كتير وما بيخلص برد واحد او خمسة او حتى مية
بدنا نقرب وجهات النظر من بعضنا حتى نقدر نتفاهم

اكيد هدفنا الاساسي من التواجد باخوية هو تقريب وجهات النظر والتوصل الى التفاهم بخصوص بعض المواضيع

هلأ كلمة الرجولة هون هي صفة .... يعني ما بتنطبق فقط على الرجل

هاي بدك تفهمني ياها رجولة من كلمة رجل يعني شو علاقتها بصفة او مجموعة صفات بالنساء

بعدين في كتير نساء عبر التاريخ كانو متل الرجال ..... كليو باترة ..... حتشبسوت .... يوليا دومنا.... بوليكاريا ..... ايليزابيث.... ايرينة ..... مارغريت تاتشر ( المرأة الفولاذية ) ..... كونداليزا رايس.... وحتى انو بالملاحم الاسطورية كان في نساء متل اثينا وعشتار وفينوس.....

ولا وحدة فيهم وصلت لوين وصلت الا بعد جهد جهيد والا ما لقيولهن لرجال شي ليعرقلوهن فيه (بعيدا عن التعميم لانو لرجال مو كلهن هيك)

لا تاخدي الامور بالمعنى الحرفي .....

يعني ..................................كيف

عجبتني طريقة تفسيرك ..... وحسيت انو قاعد بحلبة ملاكمة .....
انت قلت هون

هههه الملاكمة ليلى علي بنت محمد علي مثلا

وانا جاوبت بنفس الطريقة التقليدية يللي بتحكي فيها المرأة الشرقية لما قلت شو خايفين
بعدين من ناحية تحرر المرأة

المراة الشرقية والطريقة التقليدية نحنا هلا بدنا وجهة نظر ورد الرجل الشرقي وبس

طلعي حواليكي ... اذا بتلاحظي انو اكتر من 60% من السيارات يللي بالشارع بتسوقها نسوان
الوظائف غالبيتها نسوان ...... حتى المطاعم واماكن السهر العائلية بتكون نسبة النساء فيها اكتر من الرجال
ولسى بتقولي انو في تخوف من موجة تحرر المرأة ؟؟؟؟

نسبة كبيرة منهن عم يشتغلو ليساعدو ابوهم واخوهم وزوجهم الرجل
وعن موضوع السيارات الاغلبية عندهم فرض تجول يعني سيارة بس بتواقيت مضبوطة يعني بنرجع لتقييد الحرية من جهة اخرى
والمطعم واماكن السهر العائلية شغل كباقي الشغل يعني طريقة شريفة وواضحة لكسب المال
والمراة تبرز اكثر في هده المهن اي السياحة او الفاست فود لانو اكثر ليونة بالتعامل (تخلق جو لطيف بالاستقبال الجيد والمحترم للزبائن الى قوة تحمل كبيرة فمثلا المراة ماراح تنفعل بسرعة متل الرجل راح تثور بالداخل بس لحتى تحافظ على شغلها ومصدر قوتها راح تتحمل وهاد لوحدو مطلوب بالعمل وين ما كان في اتصال مباشر مع الزبائن كالمطاعم .الاستقبال بالشركات. قاعات حفلات عائلية وهيك شغلات )

يل ستي رح اجي معك انو في ناس هيك بتفكر .... بس وين بتلاقيهون ؟؟؟..... بالاحياء المنغلقة على نفسها .... بالبيوت يللي لساتها بتطبخ على البابور ......هدول ما وصلتلون الحضارة

يوجد بالنهر ما لا يوجد بالبحر لا توهم حالك والله في ناس متفتحين ومتطورين بالمدن لكبيرة اكثر تخلفامن يالي يادوب اكتشفو الكهرباء وتحياتي لاهل القرى والضيع يالي لولاهم ولولا بقائهم بالضيع المترامية هنا وهنالك ما كنا عرفنا البساطة

لاء اخدتها بالاتجاه الصح ......

وحياتك الاتجاه الغلط بس ما بدنا نعمم كمان

ليش انا شو حكيت ؟؟؟?
يمكن ما وصل المعنى بالشكل الصحيح
معليش بصيغو بغير طريقة ما عندي مشكلة

يمكن فهمتو غلط حصل خير صيغو بغيرو

وكمان اسمحيلي اطلب منك انو تسألي اي طبيبة او طبيب نسائية بالبلد .... ويفتح دفاترو ويحكي ...
وتعرفي على النتيجة المذهلة .........

ياساتر

ما بعرف ليش مستغربة ؟؟؟؟؟

يعني لاني امراة حسيت انو نحنا مغناطيس بس لحد هلا

مو هي الحقيقة انو كل الكائنات الحية المذكرة بتلحق الكائنات الحية الانثى.....
ما بتعفي انو في كتير انواع من الحشرات المذكرة بتغير لونها وقت التزاوج ؟؟؟

بس بدي علق على هاي بالحيوانات الدكور بيعملو المستحيل ليعجبو ويجلبو الاناث بس بالبني ادمين العكس عم نلاحظ انو الدكور عم تدفع. وتفرض .تطلب من الاناث المستحيل ليرضو عنهن وهالبنات الله يسامحهن عم يعملو المستحيل لكسب رضى الدكور عم نحكي عالالوان والتزويق والتنميق
[quote]

اضيفي الى معلوماتك
حتى بالمحيطات السمك بغازل بعضو والذكر دايما بيلحق بالانثى
طيب خديها على غير طريقة
الكرة الارضية مو اسم علم مؤنث ... القمر مو اسم علم مذكر ....... شوفي شلون القمر بدور حول الارض
اكيد بدك تضحكي

كل هالحيوانات لسى فيها رومنسية وشاعرية (الاسماك والفراشات والطيور....الخ)
وعلى حسب معلوماتي البهائم المدكورة كلها بتغازل بشكل جميل جدا عدا الثديات يالي قريبة من البشر او بالاحرى هم يالي قراب منها مع احترامي الشديد للجميع

بعدين شو بيمنع انو البنت توصل اخوها ؟؟؟؟
عطيني سبب مقنع ......
انا رفيقي اختو عندها سيارة ملكها الشخصي ..... وهي بتوصلو كتير على شغلو او بتجيبو من محلات بعيدة او على طريقها .... او من سهرة حتى

معك مافيها شي ابدا بس التعاليق راح تكون موجودة ادا الاخ ما حكى الا ما يكون في واحد فاضي ليحشر حالو بالنص بجمل متل _قلتلي وصلتك اختك
_ او رجال وصلتو اختو
وهاي كافية لتربي فكرة النقص عند الاخ ويبلش يتساءل ليش هي عندها سيارة وانا لا وليش هي بنت وبتوصلني وليش ما بتعطيني السيارة وانا بوصلها وهيك حكي)

الطبيعة البشرية الله وكيلك

البشر على طبيعتهم

وراء كل رجل عظيم امراة عظيمة

الله حيو عالامراة عظيمة

هاد البند بجاوبك عليه بنهاية الحلقة
ومية وردة الك ول whiterose

نهاية الحلقة
شكرا عالوردة
وهاي وردة لالك ولكل المشاركين
وبارجع وبقول بس يتحرر الرجل راح تلقائيا تتحرر المراة