بعد مقاطعة الوحي الي.
رجع ورجعت معو هاللوحة الفنية الرائعة
مع المتل الحمصي القائل.
العين بالعين والسن بالسن, واللي بزن حالو من السطح اجدب. نبدأ.
بطلنا اليوم اسمو اب خالد المارد (زلمة كتير زكرت وابضاي)
بالزمانات كان ماشي بالشارع واذ بلاقي واحد واقف على حرف سطح. وكأنو مجهز حالو لينط.
محسوبكون. قال لعمى شو هالحمار هاد. هلق يقوم ينط من السطح, والله بيعملها.
متل النمر طلع على درج البناي
. ومافي ثواني وصل عالسطح.
بيفتح الباب تبع السطح فجأة. وبقول وقف وقف, لا تنط.
ما بقوم الا وبيسمع صوت, اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااااااااااه
طج.
بيتطلع من عالسطح, واذ بلاقي الزلمة, صار تحت بالشارع, لا من تمو ولا من كمو.
طبعا محسوبكون. زلمة فاعل خير. راح داقق للاسعاف.
وبيجو الاسعاف, وبقشو هداك. متل ما بقشو الكلب الفاطس.
الحلو بالموضوع انو الزلمة ما كان ميت.
بس كان بغيبوبة.
بعد فترة شي شهرين, الزلمة فاق من الغيبوبة.
بيجي اب خالد بدو يستفقد عليه. بيجي ليسألو ليش نط.
بروح لعندو.
- اي هات لشوف ليش نطيت من السطح يا زلمة.
-- انا ما نطيت.
- شلون ما نطيت؟؟
-- انا كنت واقف على حرف السطح, قام اجا واحد وفتح الباب فجأة. قام نقزت, وصرت تحت.
-
(لاتعليق).
- طيب وليش كنت واقف على حرف السطح؟؟
-- ما بعرف شلون بدي قلك ياها.
بس كنت عم بصبص على بنت الجيران. وما كنت بقدر شوفا الا اذا وقفت على حرف السط........
(هون اب خالد طلعت فيه النخوة.)
- عم تبصبص على بنات الناس يا ابن الحرام, اي والله لاطلع بخوانيق يا ابن ال%$#%$
وشمر عن كمامو.
ونزل فيه خبط
- وين بيوجعك؟؟؟
طاخ.
حتى هداك فارق الحياة, لا من تمو ولا من كمو.
والخاتمة مع متل حمصي تاني.
الوقت كالسيف, كل ما مشيت خطوة لقدام, بترجع عشرة لورا.