اقتباس:
|
اكيد مو مسالة تحدي بس الرجال الحقيقي يالي راح يكون جوابو منطقي والباقي راح تكون ردود دكورية او بعيدة عن الحقيقة ومجرد حكي
|
طولي بالك شوي
الموضوع كبير كتير وما بيخلص برد واحد او خمسة او حتى مية
بدنا نقرب وجهات النظر من بعضنا حتى نقدر نتفاهم
اقتباس:
ههههههههههه يعني المراة بمباديء وقرارات متخدة بتصير رجال .......ليش ما تقول مراة بصح وصحيح  يعني لو مراة كانت عنصر محرك بمجتمعها ما بصير الناس تسمعها الا ادا لصقولها كلمة رجولة
|
هلأ كلمة الرجولة هون هي صفة .... يعني ما بتنطبق فقط على الرجل
بعدين في كتير نساء عبر التاريخ كانو متل الرجال ..... كليو باترة ..... حتشبسوت .... يوليا دومنا.... بوليكاريا ..... ايليزابيث.... ايرينة ..... مارغريت تاتشر ( المرأة الفولاذية ) ..... كونداليزا رايس.... وحتى انو بالملاحم الاسطورية كان في نساء متل اثينا وعشتار وفينوس.....
لا تاخدي الامور بالمعنى الحرفي .....
عجبتني طريقة تفسيرك ..... وحسيت انو قاعد بحلبة ملاكمة .....
انت قلت هون
اقتباس:
|
لك الرجال ابن المراة يالي فيه يجاوبك
|
وانا جاوبت بنفس الطريقة التقليدية يللي بتحكي فيها المرأة الشرقية لما قلت شو خايفين
بعدين من ناحية تحرر المرأة
طلعي حواليكي ... اذا بتلاحظي انو اكتر من 60% من السيارات يللي بالشارع بتسوقها نسوان
الوظائف غالبيتها نسوان ...... حتى المطاعم واماكن السهر العائلية بتكون نسبة النساء فيها اكتر من الرجال
ولسى بتقولي انو في تخوف من موجة تحرر المرأة ؟؟؟؟
يل ستي رح اجي معك انو في ناس هيك بتفكر .... بس وين بتلاقيهون ؟؟؟..... بالاحياء المنغلقة على نفسها .... بالبيوت يللي لساتها بتطبخ على البابور ......هدول ما وصلتلون الحضارة
اقتباس:
اخدة حريتها بالاتجاه الغلط .............................. يعني قشور الحرية
|
لاء اخدتها بالاتجاه الصح ......
اقتباس:
هاي ما الها دخل بالحرية اطلاقا ...................................هاد انفتاح غلط او بالاحرى زاوية ضيقة للحرية (تحرر ايجابياته منعدمة على الاقل ما بجيب شي لا للرجال ولا للنساء وسعولنا مفهوم تحرر المراة شوي )
|
ليش انا شو حكيت ؟؟؟
?
يمكن ما وصل المعنى بالشكل الصحيح
معليش بصيغو بغير طريقة ما عندي مشكلة
اقتباس:
اسمحلي قلك انو هاد مجرد حكي على ارض الواقع وبالبلدان العربية بيختلف الحكي 180درجة تطبيقيا
|
وكمان اسمحيلي اطلب منك انو تسألي اي طبيبة او طبيب نسائية بالبلد .... ويفتح دفاترو ويحكي ...
وتعرفي على النتيجة المذهلة .........
ما بعرف ليش مستغربة ؟؟؟؟؟
مو هي الحقيقة انو كل الكائنات الحية المذكرة بتلحق الكائنات الحية الانثى.....
ما بتعفي انو في كتير انواع من الحشرات المذكرة بتغير لونها وقت التزاوج ؟؟؟
اضيفي الى معلوماتك
حتى بالمحيطات السمك بغازل بعضو والذكر دايما بيلحق بالانثى
طيب خديها على غير طريقة
الكرة الارضية مو اسم علم مؤنث ... القمر مو اسم علم مذكر ....... شوفي شلون القمر بدور حول الارض
اكيد بدك تضحكي
بعدين شو بيمنع انو البنت توصل اخوها ؟؟؟؟
عطيني سبب مقنع ......
انا رفيقي اختو عندها سيارة ملكها الشخصي ..... وهي بتوصلو كتير على شغلو او بتجيبو من محلات بعيدة او على طريقها .... او من سهرة حتى
الطبيعة البشرية الله وكيلك
اقتباس:
يعني اعتراف بمكانة المراة في بناء اللبنة الاولى وانو هي حجر الاساس .......................وجد النهاية عند لرجال (100بال100من الحروب والنهاية اي الموت سببها لرجال)
|
وراء كل رجل عظيم امراة عظيمة
اقتباس:
|
وبارجع وبقول لازم يتحرر الرجل لحتى تتحرر المراة لانو فاقد الشيء لا يعطيه
|
هاد البند بجاوبك عليه بنهاية الحلقة
ومية وردة الك ول whiterose
اقتباس:
متابعة
ملاحظة: صرلنا زمان ما شفنا حوار هادئ وبناء متل هيك في المنبر الحر ..
شكرا وايت روز.
|
وليش المتابعة ؟؟؟
بدنا مشاركة ورأي
بعرفك بتشاركي بهيك حوارات
والك كمان مية وردة
سيدي الرئيس ......... تحية وبعد
اتسمع الاحرار حين يسألون.......
امرتين الشهداء يقتلون ...........
اطفالنا في المهد بعد يحلمون....
من ينقذ الاحلام حين ينعسون...
[thread=51430][COLOR=red]تعالي نرتوي الحب لسنا سوى ظلال وغبار[/COLOR][/thread]
[B][COLOR=seagreen]شيطان انا واقف على الباب .................................. هوايتي ان ارقص مع الذئاب[/COLOR][/B]
[B][COLOR=#2e8b57][COLOR=blue]اذا اردت ان تقول الحقيقة بغير وقتها .................... فاعلم انك في نظر الكل خائن[/COLOR] [/COLOR][/B]