[وائل 76]

صباح الخير ..

يسعد صباحك مورننج .. لقيت هاي الصورة .. شفتها قريبة كتير للياسمين .. فاكرة الياسمين مورننج مين كان بيعشقو ؟ يا ترى بعدها فاكرانا ولا ضعنا بزحمة يلي ضاعوا ..
إمبارح جبت ياسمينة صغيرة و زرعتها عندي ....حتى تذكرني بكل يلي مروا لو كتبلي ربي عمر عيش و أتذكر .. كتار يلي بيحبو الياسمين .. نيرفانا بالعربي و شامي من طوكيو . هوي كمان صار بعيد متل نيرفانا ... يمكن كمان كريم بيحب الياسمين .. مسطول كمان مرة كان بيقلي أنو بيستعمل معطر الجو بريحة الياسمين .. عم بيجمع كتير ناس هدا عمو الياسمين بس للأسف بيضيعوا بعد شوي ..ما بعرف لو كان الحق علينا ولا على الياسمين و مين يلي عم يضيع التاني ..

.بكره حالي لما صير أخرس عن الكلام .. بس بيعزيني أنك ما بتحتاجي أحكي حتى تفهميني ..

أسف لو كترة حكي على هالصبح .