[COSTA]

كاتب النص الأصلي : فوضوي

و الله يا كوستاس إنتا معلم
و ميت

ميت وردة الك ولصاحبة الموضوع

كاتب النص الأصلي : fofo besset syria

كوستا..

كلام سليم ورائع...

الكبير كبير..ببان من حكي الواحد اديه فهمان...


تحياتي الك ولرأيك

تسلمي
بس الموضوع عجبني كتير وبدي تابع فيه

كاتب النص الأصلي : whiterose

شكراً COSTA
ردك كان وافي جداً ومستوجب شروط الأجابة على الأسئلة بدون زيادة أو نقصان
أو حكي فاضي

من جديد شكراً لأنك فهمتني سابقة لن تتكرر في حياتي

المهم بصراحة أنا عندي كان أهداف كتيرة من طرحي لهاد الموضوع
أهمها أنو حرية المرأة من المستحيل تتوقف عند لباس معين أو تصرف معين أو شغل معين

اللباس لن ولم يقييم المرأة

وحتى الثقافة لن ولم تقيم المرأة (بعرف ممكن كتار يجو ضدي بها الرأي لكن هي الحقيقة)

ولا أي شيء يقييم المرأة سوى تفسها

المرأة ذلك المخلوق الضعيف في أي مجتمع وبيئة ذات درجة ثقافية متدنية أو مرتفعة

المرأة في المجتمع الشرقي وحتى الغربي
مخلوق مصغر بشكل كبير من ذلك الغول الذي يدعى الرجل
الذي يعطي لنفسه السلطة بالتحكم بها كيفما أراد وشاء
من الأب وحتى الزوج

أكبر وهم تعيشه المرأة اليوم هي أنها ستصل إلى حريتها المطلقة
بظنها أنها إذا أرتدت اللباس الذي شاءت ووصلت بدرجة ثقافتها إلى العلى
فهي حصلت على حريتها


ربما هي أحد أهم هذه الأسباب
لأنو متل ما قال COSTA المرأة عدوة نفسها
إن لم يحارب الأب ابنته حاربتها أمها
إن لم يحاربها زوجها حاربتها أمه


ماهي معايير الحرية؟؟؟
الحرية هي أن أكون سيدة نفسي بكل المقاييس
أنا مابقدر أتأخر عن البيت لأني ممكن بأي لحظة عرض نفسي وعائلتي للحكي الأسود
أذا لازم أرجع بكير على البيت فهل أنا حرة؟؟؟؟
وأن كانت أمي قد اعطتني الحرية بالعودة إلى المنزل متى شئت؟؟؟

وللحديث تتمة
وألي عودة

العفو منك whiterose
________________________

مخلوق مصغر بشكل كبير من ذلك الغول الذي يدعى الرجل

هون حاسس انو اكلنا كف كبير كتييييير
________________________--
على كل حال بدي علق على هاد الرد بين ما ترجعي
بالنسبة للثقافة يللي حكيتي عنها مانها مشروطة بالشهادات الكبيرة او الجامعية او الدكتوراه او ...
بس كمان لازم البنت تكون مثقفة حتى تقدر تقرر مصيرها وتعرف حريتها
يعني تصوري امرأة امية جاهلة بالعلم لا تعرف تقرا او تكتب ...... هي شلون بدها تفهم الحرية ؟؟؟؟
انا بشوف انو الثقافة متعلقة بتقيمها للمرأة بالمجتمع لانو منها بتقدر تعبر عن حياتها وعن نفسها وكيانها
__________________
بس انو تعتبري المراة ضعيفة انا بعتقد انو هاد غلط لانو الانسان بطبعو ضعيف وهاد الضعف نابع و مخزن عندو من الاف السنين
بعدين الضعف انت كيف شايفتي ؟؟؟؟
على انو مقياس اخدتي ضعف المرأة ؟؟؟؟
يمكن مستغلة كانت ..... وانا بعترف انو كانت مستغلة عبر التاريخ لاغراض كتيرة
على قولة نابوليون
cherche les fammes ( يعني ابحثو عن النساء )
____________________
بانتظار عودتك سالمة وغانمة