[HashtNasht]

ان منظمة شهود يهوه هي من اخطر المنظمات الدينية التي تحارب المسيح في العالم . وخطرها يكمن في انها تمارس نشاطاتها وتبث سمومها التعليمية في اوساط الناس البسطاء غير المدركين تماما للتعاليم المسيحية الحقيقية ،

يعني أنا ما فهمت منيح ....أنو شلون يعني خطيرين ؟؟

يعني أذا أنت مؤمن أنو المسيح هو المخلص , و نور العالم , و هو الطريق و الحق و الحياة ....كيف معقولة شوية شهود يهوى يشكلو خطورة ؟
بعدبن أنو يعني تكمن خطورتها بأنها تمارس نشاطها في اوساط الناس البسطاء؟؟؟؟؟؟؟
ذكرلي دين واحد أو مذهب ديني واحد ما بيستخدم هالطريقة ....يعني اذا ما انتشرو باوساط البسطاء باوساط مين بدهن ينتشرو ؟؟؟

يعني أنا كنت متخيل أني رح شوف بهالمقال حقائق و وقائع تثبت تورط شهود يهوا بجرائم أو اغتيالات أو مؤامرات ...بس بالحقيقة ما لقيت شي خطير

شو المشكلة إذا ما كانو بآمنو بالثالوث أو بالروح القدس أو بقيامة المسيح أو بمجيئ المسيح الثاني أو بالخلود ؟؟؟

يعني ما كل واحد حر بشو بدو يآمن ؟؟؟

كل ما كتب في المقال أعلاه لا يثبت أي شئ سلبي بحق شهود يهوى , إلا اذا كان ايمان شخص بمعتقد يختلف عن معتقدك جريمة

إذا كان في اثباتات و وقائع بتثبت أنو شهود يهوى منظمة إرهابية أو إجرامية أو مؤيدة للإمبريالية و الصهيونية و معادية للعرب , أو بتآمن بالتمييز العنصري , أو تجارة الرقيق و المخدرات , أو انو بتناضل ضد حقوق الإنسان .........الخ , يا ريت تعطونا هالاثباتات لحتى نقول أنو هني ما مناح مثلاً .... و غير هيك بكون دبس بطحينة ...يعني حكي ما علي جمرك ....يعني ولا شي