[Syria Man]

أنا لح اتدخل شخصياً بهالموضوع المميز .
انو ليش دايما منضل نحنا خايفين من الشخص الاخر؟؟
والله أنا برأيي أنو اللي بدو يخاف من الآخرين عالنت بلا ما يفوت أبداً لأنو النت مو كلمة صغيرة النت عبارة عن مغامرة
يعني الشغلة مو بس بالصورة اللي حكيتي عنها
ممكن يتعرض الواحد لكتير من الهكرات ويخترق الكمبيوتر الخاص فيه ويسرق شغلات أهم من الصورة بكتير ومن دون ما التاني يشعر بشي
يعني اللي بدو يشتغل بعالم الأنترنت بدو يكون قد حالو ولازم يكون ذكي وعبقري
(إن لم تكن ذئباً أكلتك الذئاب)
وبالنسبة لموضوع لطش صورة المسنجر أو ما شابه أنا برأيي أنو البنت ما لازم تحط أو تعطي صورتها غير للمقربين منها جداً واللي ابتعرفون وعندها معلومات كافية عنهم لأنو زمانا هلق ما إلو أمان أبداً
يعني زمان أول اتحووول والبنات بشكل عام ضغري بينلعب بعقلون من قبل الشباب اللي فينا نوصفهم (ثعالب الأنترنت) طبعاً مو الكل ....
ليش شبابنا بيضل يحكي ع التحرر والانفتاح بس من اول نكشة بيرجع لقوقعتو؟

هي أنو يرجع لقوقعتو ما حبيتها أبداً يعني أنتو البنات جايين من المريخ ولا أنتو ملائكة ونجنا شياطين ؟؟؟؟؟
وهي من أول نكشة ما افهمتها شو يعني من أول نكشة ؟!؟
انو هل بامكانية شبابنا مثلا يكونو محل ثقة لرفقاتوون الصبايا بالنسبة لموضوع الصور؟؟
طبعاً متل ما قلتي أنتي مو كل الشباب متل بعضون ومو كل البنات متل بعضون
مثلاً ممكن يكون شي شب حاطط على شي بنت مضايقتو بحياتو أو بالحكي أو ما شابه فحب يعمل فيها مقلب ومو بالضرورة تكون هوايتو سرقة الصور أو التلاعب بشرف البنات من خلال نشر صورن عالأنترنت وبصورة بشعة ...
يعني انتي بموضوعك شملتي الشباب وانسيتي أنو البنات مو هينين أبداً أبداً
يعني أنا مأضي لمصدي من البنات المايعات وقليلات الأدب (طبعاً وأكيد أكيد مو الكل )
بس لا تفكروا حالكن أنتوا الصبايا ملائكة بكل النت وبكل العالم شباب وصبايا فيون منيح وفيون العاطل
فلازم الواحد من خلال تجربتو وخبرتو يعرف بمين بدو يوثق ومين لازم يكون قد الصداقة وقد المسؤولية
وبالنهاية شكراً كتير عالموضوع الرائع والحوار الأروع .