[abosleman]

كاتب النص الأصلي : Madmax

شو بدنا نحكي لنحكي الشغلة واضحة و الكل بيعرفها

عنا الشباب من لما بصيروا شباب ببلشو يفوتو بالحيط
يعني من أيام البكالوريا و ما تحمله من رعب وو يأس حتى انو صار في مرض عنا اسمو (فوبيا البكالوريا )
و قال شو ...البكالوريا بدها هز كتاف


واللي بلش يفوت بالحيط قبل البكلوريا

و اذا الشب زمط من البكالوريا و قدر يفوت على شي فرع مقبول من الجامعة ببلش يتعثر بأفخاخ الجامعة
من روتين لرشاوي لقرف ل .......

و اذا حالفو الحظ ( و فرَد ايدو شوي ) ممكن يطلع من الجامعة بأقل خسائر ممكنة و بعدد سنين مقبول نسبياً
و بكون بانتظارو تجربة من نوع تاني ... الا وهي خدمة العلم (هيك بسموها ...مع انها صفيانة خدمة شي تاني )
و هي تجربة غنية عن التعريف و الكل بيعرف شو بتحمل معها من ترويض لعنفوان و كرامة الشب و بتهيأو
ليكون جاهز لمواجهة الحياة العملية و هون المصيبة الكبرى

واحيانا بتلاقي العالم موقفة التسجيل لتخلص الخدمة الالزامية (تحت شعار بالصرماي )
وبترجع لتكمل مسيرة الكفاح والنضال

لما الواحد بفوت على هالحياة و بتصير تتوالى الصدمات عليه صدمة ورا صدمة
و بتصير طموحاتو تقل و أحلامو تضمحل ...... حتى انو يصر الطموح الأكبر هو كيف تكمل نهارك بأقل ذل ممكن
كل هاد ..و لسا ما حكينا عن الديمقراطية و و عن حقوق الانسان و البيئة ( و كل هالحكي الفاضي )

و في كمان وضعنا الاجتماعي يللي ... بزيد اليأس يأس
أنو لهلأ في ناس عم تتناقش ...أنو معقول نترك الاخ مع أختو لوحدهون ببيت واحد
و لا قديش الرجل لازم يعطي حرية للمرأة
و لا هل تقبل الزواج من مطلقة



و عن جديد كمان عندك حالة الكهربا و الانترنت و الخليوي و ال ....و ال.......


و فوق كل هاد ......منتخبنا خسر قدام العراق 3\0 يعني حتى بهي متخوزقين
و الشوب دابح العالم
و زحمة يا دنيا زحمة



و أمام هالواقع المرير الله أنعم علينا بشي اسمو حيط
و هالحيط عم يقبلنا بكل همومنا و كل مشاكلنا
و عم يعزمنا لنزورو



معقول نخجلو ...؟؟؟
مو حلوة ...عيب

الله يخليلنا هالحيط والله قلبو كبير
بس لسى في كمان وكمان
لسى ماحكيت عن الطافشين
وعن اللي عم يبلشو حياتن العملية بدون مايروحو عالعسكرية وبدون ما يكملو جامعة
في كتير شغلات اذا بدنا نحكي خلينا فايتين بالحيط احسن