[Nirvana]

كاتب النص الأصلي : Abu Guzef

نيرفانا انا هلق فضيتلك يلا بنبلش
1 شو ابشع موقف مريتي فيه لما اتفقنا ننفصل انا وحبيبي
2 شو ابيخ موقف مريتي فيه مو متزكرة .. انا من الاساس ما بحط حالي بهيك موقف
3 ايمت حسيتي حالك انك صرتي صغيرة وطلعتي بالخجلة كمان مو متزكرة .. بس كمان ما بذكر مريت بهيك موقف .. بعدين انا طول عمري كبيرة .. قدرا ها مو عمرا ..
4 شو نمرة رجلك 35-36
5 شو لون شعرك أسود
6 شو رأيك بابووديع جورج وسوف الكبير ما بحب صوتو بس بحب كتير أغاني الو
7 مين ابيخ فنان وفنانة عندك كتار كتير وما بنعدو بس اللي خطرو علبالي هلا : أبيخ فنان (سعد الصغير) وأبيخ فنانة (مروى)
8 لمين بتسمعي اكتر شي بحب كتير القديم بالعربي والأجنبي .. بالعربي بحب عبد الحليم، وردة، ماجدة الرومي، سيد درويش، فيروز، عبد الوهاب، الاغاني اللبنانية تبع التمانينات ومتفرقات لعدة مغنيين وفرق جداد ..
أما الأجنبي .. - انت عندك وقت - الفيس بريسلي، بوب ديلان، ستينغ، رود ستيوارت، جو كوكر، يعني وكمان شوية متفرقات روك ، جاز ، وأولديز ..
9 قديش عمرك 27 سنة
10 اي فترة من عمرك حسيتيها احلى شي فترة الجامعة وبعدين من 21 - 27
11 بتدخني ولا بس حشيش الدخان عالخفيف أما الارجيلة كتير والحشيش..
12 شو مشان الجريدة يعني بدنا اخبار اذا بقلك ما عم يطلع معي شي بتصدقني .. عندي حالة ركود اخباري .. ملل .. استسلام .. ما بعرف ..
13 شو بتحبي بالشام .. أوووه هالسؤال ما بعرف من وين بدي بلش جاوبو .. بحبها .. لأني بقدر شم ريحة الحضارة فيها، بحب روحها البسيطة، بحب قدمها وعتقها، بحب ثقافتها، ما بعرف كل الناس اللي فيها بس بحب كتير من الناس اللي فيها، بحب تميزها، بعشق الشام القديمة ولو بقضي بقية عمري بين حيطانها بكون مبسوطة، بموت بقاسيون، وتخيل لما تكون تحب مكان هالقد وتكون عندك ذكريات أكتر من رائعة فيو .. ما بعرف .. أوف انت التاني فتحتلي جروحي .. خلص .. صدقني الكلام ما خلص لهون .. بس خليها بالقلب .
14 شو اكلتك المفضلة بحب الأكل الايطالي - البيتزا أكتر شي . وبالأكل العربي المنسف (أردنية مو بإيدي) وورق العنب.
15 شاي ولا قهوة قهوة الصبح وشاي المسا .. لازم ..
16 جينز ولا قماش جينز .. جينز .. جينز أكيد
17 شو لون المفضل عندك الازرق
18 برجعلك بعدين .. معقول

شفت ما اشطرني ..