اقتباس:
كاتب النص الأصلي : بيلسان
حبيت اسمّعكو شوية غناني لفرقة فلسطينية موسيقية
من عنا من عرب 48
هيي فرقة صابرين
مطربة الفرقة اسمها كاميليا جبران
وهيي صبية من الرامة ( قرية بالجليل - شمال فلسطين المحتلة )
حاليا موجودة بفرنسا ساكنة هناك يعني طفشت مدري من شو 
المهم
الفرقة اشتهرت بسنوات التمانينات
كانو يقدمو عروضهن بالناصرة وبالقرى العربية داخل الخط الأخضر بهديك الفترة
فرقة مرتبة كتير وعندهن طريقة حلوة بالتعبير
هاي وحدة من غنانيهن القديمة ( جودة الصوت عالية )
وإذا بدكو في كمان 
* * *
كحل
هالأرض جاية ورايحة .. بتميل عالجنبين
من كتر ما هي خفيفة .. بيحملوها تنين
وزغير طير الحمام بيقطعها بيومين
من كتر ما هي زغيرة .. فكّرتها بعدين
دقت على باب الزمن .. مضيّعة ليلة
كنها تسألو كنهن إلو .. قام ضيّفها نهارين
وقلا الزمان ما تقلها صارو كحل بالعين
* * *
استمتعوا  |
يسلمو ايديكي بيلسان
وياريت اذا عندك كمان لهالفرقة اللي تعتبر من افضل الفرق اللي قدمت الفن الملتزم بطريقة غير مألوفة وراقية واللي بتتمتع بأداء رفيع من جميع النواحي، وخسارة كبيرة انو كاميليا جبران انفصلت عن الفرقة، لأنها تعتبر عماد رئيسي من أعمدتها.
اذا بتنزلي كل شي عندك أكيد مارح نقول لأ ، ويعطيكي ألف عافية