أخوية - عرض مشاركة واحدة

**abosleman** · 04/07/2007

اقتباس:

كاتب النص الأصلي : The morning

سـلامات ابو سليمان ..
عـالسريع عـالسريع ..
بـدي يـاك تــعتبر حـالك فــنان لــشويه وقـت ( هـو انت فـنان بـس انا قـصدت فـنان مـع ريـشه )
لونلي و صورلي هـالشــغلات ..
صوره ولد جوعان قدامو صحن مطعوج و برميل مي عم ينقط اخر انفاسو ( دليل انو فاضي ) ..
اختار المكان ( جوا , برا ,بالصحرا هيك يعني ) و الالوان و عمر الولد و تيابو و هيك تفاصيل تخليني اقدر شوف اللوحه من حكيك ..

المكان ... منطقة جافة الشجر فيها يابس والارض متشققة وشويه صخور - انو باللوحة لازم يبين شجرتين يابسين واغصانن مكسرة - وطبعا ببان بالخلفية سما مفيها غيوم والشمسي عم تضرب ع الارض

الالوان ... هيك لوحة بحس انو بتنرسم بالفحم او الرصاص - مابعرف شو بتتسمى-
اللوحة ... ولد عمرو بين 4 و 7 سنين ضعيف البنية تماما تياب مشقوقة وكبيرة عليه او بنطال احد الفردتين موصلة لنص رجلو وقماشة لافينها عليه -مع مراعاة ظهور اجزاء من صدرو - قاعد بشكل القرفصاء وعم يطلع بالصحن
واهم شي تبين نظرتو للصحن فيها تامل ورجاء وحزن البرميل ع يمين الولد والام مرتكية عليه بحالة تبين فيها انو دايخة و ماسكة صحن اللي تحت البرميل -ضبعا مو ماسكتو بشدة
واخيرا بيكون ع صخرة ورا الولد نسر عم يترقب او غراب ..

قطعه خبز عـالارض و عـليها نــمل و جنبها في رجل رجال متوسط العمر ( يعني بالاربعين او خمسين

)
اختار كمان نفس الشي الجو و الالوان و تفاصيل متل شو لابس برجلو و كيف واقف و شو لابس بنطلون ولا شورت ولا ولا يعني هالتفاصيل نفس الشي يعني ..

كوخ صغير مهتري قدامو رجل ملامح وجهو تعبانة وحزينة ..تجاعيد وضعف ببين بالخدود عيون شبه مغمضة غليون طبعا فاضي بتمو متكئ ع كرسي مكسور جنب الكوخ رجليه متنة وحاطط ايد ع ركبتو وساند عليها راسو وبيطلع بالسما ... وقدامو الخبز متل ما حكيتي
وبكون من الناحية التانية من الكوخ في بير مي السطل مرمي جنو والحبل مقطوع دلالة على انو فاضيي كمان
وجدارو مهتري وبعض اطرافو مكسورة وبيكون في شجر خريفي يعني وراقو متساقطة والشمس قربت انها تغرب
الوان هاللوحة بتكون داكنة وشاحبة نوعا ما .. السما مايلة للون الرمادي وباقي الشغلات اكيد الوانها واضحة

شنط محطوطين على الارض و جنبهم عربايه طفل صغير ..
يعني شرحلي شو بتشوف الوان وعدد الشنط و جنس الطفل و هيك يعني عمرو و خلفيه اللوحه و هيك تفاصيل كمان تخليني شوف اللوحه من حكيك ..

محطة قطار بدائية مبنية من الخشب قطار جاي من بعيد شنطة كبيرة وجنبها شنطة كتف عرباية الطفل فاضيه
بنت شقرا بمعطف وام واقفة بعيد عنها سما بمنظر شتوي والغيوم عم تملاها وريح خفيفة -كيف بدك اطلعي الريح مابعرف اتخيلي - او بتكون البنت حاطة وشاح

وطرافو طايرة مع الهوا والبنت ماسكة بايدها العرباية
الالوان كمان رح تكون داكنة شوي كونو في شتوية بالموضوع
من بعيد ببين في شجر وجبل بعيد

يلا حاج ( حاجتي فلسفه يعني

) ..

و شكرا

شكرا كتير themorning للسؤال

والفلسفة

وانشاالله يعجبوكي اللوحات