[wesam]

لاحول ولا قوة
اي اخي بدنا نقولا مية مرة ولو كانت لفظ اسلامي بحت وشي طبيعي انو نطبع بطباع بعضنا لانو السما لي تحتا عايشين وحدة وحاجي بقى هالسخافات والله عيب لي بيشوف هالعينكت ولا صراع العرب مع اسرائيل كانو بنكره بعض للموت
عيب احترموا حالكون يعني كاتب الموضوع لوين بوا يوصل شو الفكرة من موضوعوا تحت عنوان حقائق فظيعة بعدين اي رجل دين بيعلم الناس تكره الدين التاني اي مانا موجودة بالديانتين
مشان الله كل واحد يحترم حالوا وحاجي عاد سخافات
وتجريح بعضنا
اخواتي المسلمين لوين بدكون توصلوا ولي مسجلين بهدا المنتدى مع العلم انو منتدى مسيحي مشان تبشروا بالدين الاسلامي ولا لانو كلانا عايشين بلد واحد يلي بيفرحكون بيفرحنا ولي بحزنا بيحزنكون عيب هالتجريح ولاحقين بعضنا على الكلمة
هالحكي مابس للمسلمين يلي هون وكمان المسيحي خلصنا بقى فرطوا او سكروا هالقسم يلي اسموا حوار الاديان مع انو بعيد كل البعد عن حوار الاديان
لاء ولي بيصدم انو هيك مواضيع بتلاقي عليا ردود اكتر من اي موضوع وبتبلش المسبات والتجريح
لوين بدكون توصلوا انو تخلوا حدا يصير مسلم او انو تفرجوا الناس انو الاسلام احسن من المسيحية كدين طبعا يعني ماني فهمانيخلصنا بقى
اخ محبة انا مابعرفك بس رجاء مابقى ترد لانو كل مارديت اكتر كل ماصار تجريح اكتر فالافضل انو لاترد على هيك مواضيع وماحدا يرد و ينحط مواضيع اد مابدكون وقت مابيصير د عليا بتتسكر لحالا
تقبلوا شكري ووعفوا اذا دايقت حدا بس انا وحدي عندي اصدقاء من الديانتين ولامرة اجت مسلمة وجرحت بديانتي او انا جرحت بداينة انسانة مسلمة
كل واحد الو الله بيعبدوا بالطريقة يلي بدو ياها فحاج بقى نحنا منقول هيك وانتو بتقولوا هيك
والقرأن قال هيك والانجيل قال هيك
وشوفوا الفرق بين تفكيرنا وتفكيركون خلص حاجي نحنا وانتوا
مافي فرق بيناتنا كلنا اخوة اذا ماكان الدين بيجمعنا فبتجمعنا كتير اشيا غير الدين واهم هالاشيا انو عايشين بلد واحد تحت سما وحدة يلي بيصير علينا بيصير عليكون
وشكرا للجميع ورجاء من المشرفين انو يحطوا حد لهالموضوع او تنحذف كل المشاركات لي فيا اسءة لبعض وهيك منتم محترمين بعضنا
وتقبلوا احترامي