اقتباس:
|
كاتب النص الأصلي : krimbow
مرحبا جو
مشان المصدر هوي مقال بمجلة نيوز ويك الاميركية (نسخة انكليزية لأنو في نسخ عربية) بس ما بتذكر شو العدد لأنو بصراحة قريت المجلة عند صديق .... اذا كتير بيهمك بحاول شوف اذا بعدو محتفظ فيها او لاء و بجبلك العدد
الفكرة انو نيوز ويك كتبت مقالتين عن الموضوع (ما بعرف اذا في اكتر بس انا قريت بس 2 )
الاولى من سنة تقريبا و بتحكي انو ضحايا الجنود الاميركيين بالعراق (بهداك الوقت) يساوي ضحاياها بالفيتنام خلال 5 سنين
|
طيب يا ريت يا مان اذا في مجال نشوف هل مجلة.. بتمنى لمرة وحدة بحياتي شوف المصدر الأجنبي للكلام
بالفييتنام مات حوالي 55 ألف جندي أميركي... بينما الأرقام بالعراق هي 1500 و 1600... عم نحكي عن فرق 34 ضعف يا شيخ.. هادا كلام كبير كتير مستحيل يتخبى على الناس... شو وين اهل الضحايا وين العالم... معقول ما حدا عم يحكي؟
اقتباس:
|
كاتب النص الأصلي : krimbow
بس الفكرة هيي التالية
اميركا اعلنت بشكل رسمي انو وجودها بالعراق احتــــــــــــــــــلال و بالتالي من حق العراقيين انهم يقاوموا
يا اخي خلي اميركا تشيل كلمة احتلال و تعمل قواعد متل مانا عاملة باليابان و بعدين تعا حاسبنا اذا وقفنا مع المقاومة (هي اذا ضل في مقاومة اصلا)
بس اميركا يلي عم تعملو هلأ انها مستأثرة بموارد العراق النفطية وغير النفطية و كل همها انو بوكرا اذا عملت هالقاعدة ما يجي كم ياباني ما ضربوا ولا فشكة و ما رحلون ولا قتيل و ياخدوا المشاريع الكبيرة
او كندي او روسي او او ما بيهم
|
هلأ بيقولوا بيشكك بكل شغلة... بس كمان بتمنى اعرف ايمت اميركا قالت عن حالها انها محتلة العراق؟ في هيك دولة بتقول عن حالا؟ حتى الحكومة العراقية ما بتقول عنه احتلال و لا استعمار و لا شي.. يعني هي الشغلة شغلة كلمة و شو الإسم يلي بتطلقوا على الوجود الامريكي او الاحتلال الامريكي؟ العمليات معظمها ضد العراقيين ... حباب ما تقلي مقاومة يا مان.. و الله انت هيك كمان عم تهين كل مواطن عراقي عم يموت بسبب الارهابيين... هدول ناس ما بدهم اي وجود اميركي لا احتلال و لا وصاية و لا حفظ امن لا شي... بدهم يستلموا الحكم و بس... انتوا بدكم هيك عالم تستلم؟ خلينا شوي براغماتيين... و الله ما عيب... حلو الواحد يمشي مع الواقع
ثم انت بتعرف بالاستثمار منيح... وين المشكلة اذا اجت شركات و استثمرت بالعراق؟ شو بدك احسن من هيك؟؟
اقتباس:
|
كاتب النص الأصلي : krimbow
في نقطة
اميركا كانت مستعمرة بريطانية بعدين حاربت بريطانيا ونالت حريتها بس اليوم هيي حليفتها الرئيسية
بلا ما نبعد كتير ..... من خمسين سنة بس اميركا سفقت اليابان قنبلتين ذريات جابت اجلها و لليوم عم يولدوا ناس مشوهين
و مع ذلك اليابان من اكبر حلفاء اميركا اليوم
قصدي قول انو وين المشكلة اذا تحالفنا حتى مع الشيطان طالما هالشي بيحقق مصالحنا الآنية
بالنهاية التحالفات مانها زواج كاثوليكي
المهم تتحقق مصالحي و مصالحي اليوم يمكن تكون مع اميركا بس مو معناتا انها تحتلنا و تركبنا
لأنو شفناها بالعراق
|
طيب حلو هل حكي... بس انت شو شفت منها ليش بالعراق... مانك شايف الاسلاميين شو عم يعملوا؟ كيف بدك يصير في تقدم و القيامة قايمة؟ اذا الناس يلي بتفهم ما بقى تشوف غير اميركا مصدر الشر بالعالم... خلص .. كل العالم بخير بس اميركا الشريرة.. طيب كيف بدك يصير في تقدم؟ شوف التقدم صار فورا فاليابان و ألمانيا و بجنوب شرق اسيا... بس نحنا الدين و العشائرية ركابتنا... مو اميركا
اقتباس:
|
كاتب النص الأصلي : krimbow
و شغلة كمان
المقاومة الموجودة بالعراق يمكن فيها عناصر غير عراقية بس الغالبية العظمى عرقية
حرام عليك تحرم العراقيين شرف المقاومة و تلزأها بغير العراقيين
بعدين تأكد انو ما في غير النور يلي ممكن انو يعرفوا شو عم يصير بسجن ابوغريب و يضلوا يقولوا انو اميركا منيحة
انت يلي ما عم تشوف الصورة العراقية صح لأنو ما عم تشوف غير يلي بيقدمو الاعلام الاميركي (يلي برهن عدم حياديتو)
|
بلا مقاومة بلا بطيخ يا رجل... حرام عليك انت تلاقي مبرر لهيك جرائم بحق الانسانية و بحق الحياة لشعب كامل... مان لسا عايشين بزمن مقاومة و جهاد و مدري شو... و الله كله هادا حكي فاضي... حتى لو كان فعلا مقاومة عراقية... مين بدون يقاوموا؟ و ليش؟ خلص يلتفتوا على بناء دولة حديثة نضيفة و قوية و سنتين زمان ما بيبقى في سبب تضل اميركا موجود و بتحمل حالا و بتطلع... اما كل يوم زيادة من اعمل العنف يعني يوم زيادة من وجود جيوش اجنبية
اقتباس:
|
كاتب النص الأصلي : krimbow
بس ضل شغلتين (آسف ع الاطالة)
اول شي انو بنظرة على الاقتصاد الاميركي قبل الحرب ع العراق و بعدها حتشوف حجم الورطة يلي اميركا فيها
ما تتطلع ع كل شي بالاقتصاد (مشان ما تعبك، بس اذا بدك اتطلع ما عندي مشكلة ... حتشوف الصورة اوضح)
اتطلع ع رقمين تنين اساسيين و قارنهم بارقام قبل الحرب أو حتى بفترة حكم كلينتون
الرقم الاول هوي عجز الموازنة يلي وصل لأرقام قياسية (وهو عجز داخلي)
و " " " العجز التجاري " " " " (و هو عجز خارجي)
|
طيب هاي منشوفها... بس على فكرة اميركا ما كتير رح يفرق معها ... هي اصلا ما عم تدفع فواتير الحرب ولا العجز... على الأقل قسم كبير من الفواتير عم تدفعو البنوك المركزية بالصين و اليابان و الاتحاد الاوروبي... اميركا داخلة معهم بتعاملات بنكية كبيرة جدا و هيك بنوك مركزية مستعدة تعطي دين للحكومة الأمريكية على مدى طويل جدا ما دامت اميركا مستلة المركز الأول بالعالم بالاقتصاد و الابداع التكنولوجي... مشان هيك كان في معارضة قوية من فرنسا و المانيا.. لأنو معظم المصاريف رح ترجع بأثر سلبي كبير على الاقتصاد العالمي و الاوروبي بشكل عام... مو بس اميركا... بينما اميركا بحد ذاتها ما كتير بتتأثر
اقتباس:
|
كاتب النص الأصلي : krimbow
و آخر شي: أرجوك و رجاء خاص (عن جد عم احكي) لا عاد تنعت عقليتي بالعربية لو سمحت لأني باعتبرها اهانة كبيرة بحقي
|
طيب هاي انا اسف عليها
سلامات
ذكرى مرور عام على وفاة الأديب العالمي سيبيري ماسكوليه 1932 - 2008