اقتباس:
كاتب النص الأصلي : LaMoUsH
لأن هاي ثقافة سائدة بالمجتمع ككل
فش ست شرقية تقليدية ما بتخاف من الفضيحة
اللي متوقع انها تنتج من أي اشي خارج عن العادة او عن المألوف
لهيك كتير مرات بتكون مقتنعة انو القمع اللي بتقمعو لبنتها غلط
بس هو الطريقة الوحيدة اللي تحافظ ع بيتها وع استقرارو !!
بتخيل الموضوع اكبر من انو ينحصر بنظرية
الوضع اجمالا مقرف
|
هاي كمان الفكرة انا برفضها تماما , يعني الربط بين الفلتان و تحرر المرأة هو خدعة كتير مقرفة عم يستعملها دعاة عدم التحرر ....
التحرر ابدا لا يعني الفلتان , نحنا كأشخاص عايشين بهالمنطقة عنا عاداتنا و تقاليدنا ياللي ( انا برأيي ) من المفروض انو ينحافظ عليها لانها بتكون بشكل او آخر هوية مميزة لهالشعب .....
لكن نحنا كشعب واعي عايش في الـ 2007 لازم نعرف شو هو الموروث الثقافي ( العادات الجميلة ) ياللي لازم يتحافظ عليه و شو هو ياللي لازم ينكب ( العادات البالية ) .......
و لهيك انا ما بشوف القمع هو الطريقة الصحيحة للمحافظة على بيت الاسرة , على العكس القمع عم يولد الفلتان , لانو العلاقة الاجتماعية ما عاد انبنت على اسس صحيحة , و منشان هيك عم نشوف الفضايح ياللي معبية الانترنت و خصوصا من بعد نزول اجهزة الجوال المجهزة بتقنية البلوتوث ......
فضايح الله وكيلك ..... 
في البدء لم يكن اول افعال الله انتشارا نحو الخارج , , بل طي , انقباض .....
في البدء لا بد ان الله انسحب , انطوى , ميسرا بذلك ولادة العالم .....
في البدء كان الكلمة .....
مملكتي ليست من هذا العالم .....
|