[على دلعونا]

كاتب النص الأصلي : صياد الطيور

لا رفيق .. انت غلطان كتير كتير ...
أنا زلمة معتر على باب الله .... طالع برا سوريا لأنو الوضع بسوريا ما كتير عاجبني ...

بس هالحكي مو معناه انو الحكومة والحكم كمان مو عاجبيني .. مو لسبب أنو سيادة الرئيس ممتاز وملاك نازل على الأرض ... بس لأنو ما شفت من كل هالمعارضة أنظف ولا أفضل منو
و ضيف عليها انو مواقفو عجبتني ....
أما شغل حكومتو .. بحط عليها كتير نقط ( بدها موضوع لوحدها )

أما صياد الطيور يا رفيق ... فهي أغنية لسلطان الطرب جورج وسوف .. وأنا بحبها كتير لهيك سميت حالي على هالأسم .. و ضيف عليها اني بكره الصيد كتير و الطيور منها تحديداً

متل ما أنت باينتك معلم بالدبكة لهيك مسمي حالك ( عالدلعونا ) ... و أكيد دبيك على الأول ..

بس شغلة هالمخابرات يا رفيق آكلة عقلكن تمام .. يعني كل شغلة بتحطو المخابرات فيها .. لا يكون فكرك أنو مخابراتنا فاضية لهيك مسخرات بتكتبوها لتركض وراكم و تصيدكم ...
بكل الأحوال دير بالك على حالك أحسن ما تفلت من الدبكة و تصير الغنية عرب عرب

اول شي احب اصارحك , اني ما كنت متوقع ان تجيب على تساؤلاتي , فاشكرك على هذه النقطه

تاني شي انو انا ( شخصيا ) ما ني ملتزم بايه معارضه او مجموعه او فئه معينه , انا معارض باسمي الشخصي , لانو اللي شفتو بالبلد زعلني كتير , و ما ممكن اقبل تاليه الشخص , ولا الظلم اللي ما حدا يمكن ينكرو , ولا الذل الللي يطعمونا ياه , كل من بايدو شويه سلطه , و بنفس الوقت انا منفتح على جميع الاراء والافكار و احب الحوار مع الكل , لانو فكره الحزب الواحد والفكر الواحد كرهتها حتى الموت , الناس عمال تتقدم , وانا ملتهين بشخص بشار , بدل ما نلتها بتحسين المعيشه والصناعه و الزراعه والكهرباء والخ من مشاريع تهم المواطن المعتر ,

المواطن اللي بيشوف خيرات الدوله تنزل عليه , والدوله تحفظ الو كرامتو , والدوله تحاسب الناس كلها بنفس المقدار , ما في لا واسطات ولا وجاهات , هاي الدوله اللي نريدها و نحبها و نضحي من اجل استمرارا .

لا تحسب انو من يعارض يحب العلاك الفاضي , و طق الحنك , انا اعارض لانو قلبي طق من القهر على وضع البلد

وانا مؤمن بان المعارضه الحقيقيه هي التي تكون بناءه ومن الوطن , لكن المشكله لما صارت هيك معارضه , شو كانت النتيجه , هاي احنا شايفينها كلهم بالسجن ....

وبعد هيك ما ممكن الامور تتحسن الا بتغيير طريقه وعقليه التفكير الموجوده بالبلد , و معامله المواطن على انه رشيد و بالغ وليس طفلا نلقمه الافكار , لانه قد لا يستطيع التفكير ....

انا تركت الدبكه من زمان , لكن نفسي باليوم اللي اشوف وطني وابناء وطني كلهم متحابين , يومها برجع للدبكه لانو يكون عرس حقيقي للناس كلها بلا تمييز .

وهاي سلام مني الك