تاني فلم
OCEAN'S ELEVEN
سنة انتاج الفلم : 2001
طاقم العمل :
الكاتب : تيد غريفين (TED GRIFFIN)
المخرج: (STEVEN SODERBERGH)
المنتج : (JERRY WEINTRAUB)
استديو العمل (وين تمت عمليات المنتجة ) : (WARNER HOME VIDEO )
الممثلين : اذا بدي عد الممثلين كلياتن بدي تلت صفحات لهيك رح عد شخصيات رئيسية
- جورج كلوني (GEORGE CLOONEY ) بدور DANNY OCEAN الزعيم
- براد بيت (BRAD PITT) بدور RUSTY RYAN مساعد زعيم
- مات ديمن (MATT DAMON) بدور LINUS CALDWELL نشال واهلو بيكونو شغل عصابات عالتقيل
- دون تشيدل (DON CHEADLE) بدور BASHER TARR خبير متفجرات
- اندي غارسيا (ANDY GARCIA) بدور TERRY BENEDICT الضحية صاحب كازينو بلاس فيغاس بيتم سرقتو
- جوليا روبيرتس (JULIA ROBERTS): بدور TESS OCEAN بتكون مرتو ل DANNY
اضافة لاسماء كبيرة كانت بالعصابة متل بيرني ماك BERNIE MAC و كيسي افليك CASEY AFFLECK
التقييم العالمي : اربع نجوم
تقييمي للفلم : اربع نجوم ونص الفلم ممتع بيعجبك الذكاء اللي في والتخطيط وروح الفريق
زمن الفلم : 117 دقيقة
متوفر على دي في دي
ملخص الفلم :
الفلم بيحكي عن عصابة مكونة من 11 شخص بيكون جورج كلوني زعيمها بيخططو ليسرقو الخزنة المشتركة بين اكبر تلت كازينوهات بلاس فيغاس بيكون اندي غارسيا صاحبها وبيكون بيرني ماك عم يشتغل في
خزنة الكازينو بتكون محصنة بطريقة صعب اختراقا بس التنظيم والتخطيط وتقسيم العمل بحيث كل واحد يكون مسؤول عن شغلة بيخليهن ينجحو بمهمتو وقدرو يخترقو الخزنة ويسرقوها قدام عيون اندي غارسيا اللي بيكون عم يتفرج على الكاميرات وبيشوفهن كيف عم يسرقوها
الخزنة كان فيها 150 مليون دولار وهادا كان احد الاسباب لسرقتا بينما في سبب تاني ليش داني (جورج كلوني ) خطط لسرقة هالكازينوهات بدون ما يخبر بقية الشلة عن هالسبب انو اندي غارسيا كان متجوز جوليا روبرتس اللي كان داني يحبها
ذكاء خارق وروح جماعة بيوصلوك للي بدك يا