اقتباس:
كاتب النص الأصلي : سدير المعاني
شكرا كثير على الدعوة.. لا علاقة لبركزان بالموضوع لا تحطوها بالنص و من ناحية المحترم اللي بيخلي العالم تحترموا؟ معقول طيب؟ فكري فيها.. هل الناس جميع سواسية؟ يعني لنفترض انو بالصدفة الوحد كان موجود بين شوية لصوص و زعران و قليلين امانة و شي دوني نهائي... يعني برأيك بيكون هو نفع نفسه ان احترموه؟؟ لا اوافق على مثلك.. بل المحترم من يدعو الخلوقيين لاحترامه من خلال اعترافه و التقائه معهم في نقاط انسانية مجيدة ترفع لها القبعات اجلال و تقديرا...
شعورك بانك كاملة اكبر هدية الي.... عدم الشعور بالنقص ابو الكسل و الرجعية. (( و ان شاء الله بسمع انك غيرتي رأيك وصرتي بدك تحسني بحالك ))
فعلا الله من يكمل, لكن ليس كما قلتيها انتي.. و كأن الامر بيدك او دعاؤك له نفع..
و لن اخبرك كيف..
اتفضلوا على الكوكتيل.. جميع.. خير الله كثير...
سدير
|
اه بيكون نفع نفسو ان احترمو
لأن بغض النظر عن مشكلة كل واحد فيهم اللي هو بنفسو مش عارف شو مصدرها ولا وين هيي بيضلو بشر !!
وبني ادمين !!
والبني ادم الفهمان الواعي اللي هدفو عنجد يصلح وضع هو شايفو غلط اخر اشي بيعملو انو بيحكيلهم انا احسن منكو وبدي اعلمكو كيف تتصرفو صح !
البني ادم اللي هدفو يصلح بيعاملش "الي بدو يصلحهم " انهم دون وزبالة !!
وطالما انحط بينهم ولو بالصدفة
اقل اشي ممكن يعملو يحترم حالو وهو بينهم لغاية ما او يروح بالسلامة او يصلح الوضع شوي !!
اما بالنسبة لموضوع الخلوقين فموضوع خلوقين او لأ عندك شكلو بيعتمد ع مقاييس فردية بحتة
والدليل البهائميين اللي بتحكي عنهم في كتير عالم بتحترمهم....
بعدين مش كاينة لهلأ أفهم شو الانسانية اللي بتنادي فيها وانت مش مخلي حد مش واصفو بالبهائيمية !!
ربنا لمما خلقنا خلقنا بشر وفضّلنا عالحيوانات
يعني حتى المجنون واللي ما في عقل ما بينفع تقول عنو بهيم يا فهيم !!
بالاخر الخلاف في الرأي لا يفسد للود قضية عند العالم اللي ممكن تستوعب انو الاختلاف بالرأي دليل ع انو في ناس بتفكر !!
وانت مش هيك !
بالنسبة الي مش بدور ع الكمال اللي المرضانين بدورو عليه !
بنظري من زمان انا كاملة لأني رضيانة عن حالي وعن تفكيري وعن تصرفاتي !!
ولأن الوازع اللي انت حكيت فيه قبل هالمرة موجود
ولأن الانسانية اللي قاعد بتغني فيها ومعلل الدنيا عليها بتمنعني احكي لواحد يا شاذ او يا شيوعي او يا مجوسي وكأنها مسبة !
بغض النظر شو هم بيضلو بشر
واوعى تفكّر بكل ردودك الغريبة من نوعها عملت مشكلة لالي او لحد من الموجودين !!
اللي عملتو مشكلة لحالك لا اكتر ولا اقل !!
ويسلمو عالكوكتيل صايمة بمناسبة عيد الشجرة !!
لمرة تانية ان الله راد !
كل واحد ع دينو الله يعينو
وحقك علينا ان أذينا شعورك!!
