[تالين]

كاتب النص الأصلي : يمان Rooooonaldo

مرحبا شباب كيفكم شو اخباركم...

هلا بما انو بكرا اخر يوم فحص الله يمضيه عخير

عندي استفسار

صراحة ملبك وماني عرفان شو اعمل

بدي اسال اللي بيعرفو واللي عندهم شوية خبرة

انو انا صاححلي اطلع ادرس برا بكندا ... وبجامعة منيحة(سالت عليها كتير)
دراستي حتكون ادارة اعمال... يعني بزنس
بس صراحة متلبك ماني عرفان
انو ادرس بالشام اول شي واطلع اختص

ولا اطلع دغري وادرس هنيك
ما بعرف بدي مساعدة وبدي اللي بيعرف يقلي بركي ممكن يساعدني

وبدي اعرف مين في بكندا وبمونتريال تحديدا .. بركي بيفيدني اكتر عن هي الشغلة

ناطر الاراء عنجد ما حدا يفوت ويكون عندو شي بيعرفو وما يحكي بيجووز ملاحظة صغيرة تفيديني

ناطر رايكم ...

سلامة

ممممم ليك اذا رايح لهنيك بين اهل و هيك انو ناوي تسكن عند شي حدى رح ياخدك الجو و يكون كل شي عليك جديد حاول اذا رحت كمان تسكن بمدينة جامعية او بشي غرفة و تركز على دراستك لانو انا شفت ناس وئت اجو على اوربا و شافو الجو غير نسيو شوي الدراسة فيك تؤل .
و تاني شي بدك تكون اوي يعني خرج انك تضل لحالك..مو كل يوم تئعد تبكي على البابا و الماما هههههه
بس متل ما سمعت جامعات كندا منيحة كتير يعني كمان فرصة ما بتتعوض.
بس انا برايي يعني هاد رايي مو ضروري يكون صح بس انو يعني تطلع من بلدك على الغربة و بايدك شهادة احسن من بلى لانو يمكن وئت تطلع متل ما التلك تكون الظروف اقوى منك و ما تئدر تاخد الشهادة. و وئت تخلص من الشهادة فيك تطلع و تختص و يعني وئت تطلع لتختص بتكون اكيد اسهل عليك هيك برايي.
و كمان الحياة بكندا مو سهلة و الغربة كلها مو سهلة يعني بتختلف من الارض للسما لا حدى يئلي لا
و انشالله اذا سمعت غير شي رح ارجع اكتب موفئ يارب