اقتباس:
كاتب النص الأصلي : DoOoDy
كم واحد كانوا ؟؟؟
انا مابعرف هي القصة،ومابعرف شو صار بالضبط ... لكن صدقني لما يكون العدد كبير كتير، ماحدا بيقدر يقرب عليهن.
وبعدين شو فيها اذا راحولن كم سنة !!!! مو هاي في سبيل الوطن !!! والله شرف لإلي اني ادخل السجن بتهمة دفاعي عن الحق...
هدوليك ال 300 طالب .... اكيد كانوا متوقعين رد فعل سلبي من الدولة ... صح ولا لا!!!
هلأ انا بعرف انو المخابرات كتير بسوريا ...بس هون مو كتير منتشرين ... يعني اذا في حدا بدو يعمل شي، مو كتير صعب ... بس ماحدا بدو يتحرك ...وماحدا بدو يعترض على اي شي.... لييييييش ؟؟؟ لانو بخافو يروحولن كم سنة على السجن!!!!!
الله يهدينا جميعا 
|
على عيني وراسي الحكي الي عمتقوليه بس مو لازم يكون في تنظيمات او احزاب لتحرك الي منتسبين الها طبعا رح يكون كل حزب الو هدف معين!!
اكيد الطلاب تبعى كلية الهندسة باثينا الون تنظيم او حزب منتميين الو !!
نحن شلون بدنا نعمل اي شي وكل واحد مرمي من جهة ونص الي بسوريا بحزب البعث !!
عميجو على الجامعات جماعة الحزب وعميدايقو الواحد مشان ينتسب للبعث !!
قبل كل هل الشي نحن اكتر الشعب الي عنا بسوريا مو عرفان وين الصح من الغلط المشكلة اكبر انو يروحو طلاب ويعملو مظاهرة
المشكلة حالة الخوق الي عنا والمشكلة انو الشعب بسوريا مصدق ومضحوك عليه انو الي عميصير بسوريا تقدم
والي ساعد على هل الشي انو امريكا احتلت العراق فصار الشعب يقلك مابدنا تغيير مشان مايصير فينا متل ماصار بالعراق !!
وبعدين شعبنا معتر ومسكين الاغلبية طبعا كلو رايح يدور على لقمة الخبز ماحدا سائل بشي غير انو كيف يطعمي ولادو !!
وهي هي سياسة حافظ انو يجوع الشعب مشان ما يفكرو لا بالسياسة ولا بشي غير شلون بدون يطعمو ولادون
بعدين انتي قلتي انو اذا كانو المتظاهرين كتار مابيعملو شي !! اذا بسوريا رح يعملو واكبر دليل ابادو عائلات كاملة بحماه وحلب بس لانو كم واحد كانو ينتمو لحركة الاخوان !!
فبسوريا الحل اول شي انو توعية الشعب وبعدين تشكيل احزاب وتنظيمات وطنية وبدون دعم خارجي ووقتها الي بنتسبو لهل التنظيمات والاحزاب بشكلو جبهة متل الي هلق عنا ياها بسوريا اسمها الجبهة الوطنية التقدمية تبعت حزب البعث والمواليين الو !!!
وبعدين بتطلب الاحزاب المشكلة مطالبا وبتفوت الانتخابات و .................. بتعرفو الباقي بس على ما اظن مارح يصير شي بالوقت القريب للاسف
والله يكون مع المعتقلين السبعة الي من اخوية والله يكتر من امثالون
انا بتنفس حرية ما تقطع عني الهوا ولا تزيدا كتير علي احسن ما نوقع سوا