اول فلم رح احكي عنو هوي فلم
THE GHOST RIDER
سنة الانتاج: 2007
فريق العمل :
الممثلين :
- نيكولاس كيج (NICOLAS CAGE): جوني بليز (Johnny Blaze) واللي هوي نفسو ال ghost rider
- ايفا مينديز (EVA MENDES ) : اسما بالفلم روكسان سيمبسون وهيي بتكون حبيبتو لجوني بليز
- ويس بينتلي (WES BENTLEY ) : بلاك هارت (Blackheart) وهوي بيكون عدوو لجوني بليز
- دونال لوك (DONAL LOQUE) : ماك صديقو المقرب لجوني بليز
- بيتر فوندا (PETER FONDA) : ميفيستوفيلس وهوي الشيطان وهوي بنفس الوقت ابو لبلاك هارت
المخرج : مارك سيتفن جونسون (MARK STEVEN JOHNSON )
المنتجين : GARY FOSTER ,MICHAEL DE LUCA ,STEVEN PAUL
الكاتب : MARK STEVEN JOHNSON , SHANE SALERNO
التقييم العالمي للفلم : تلت نجوم ونص
تقييمي للفلم : اربع نجوم من الافلام الحلوة اللي بيستمتع الواحد بمشاهدتا
زمن الفلم 110 دقيقة
الفلم متوفر على دي في دي
ملخص قصة الفلم: الفلم ببلش بيكون جوني بليز وبيو المصاب بالسرطان عم يعملو عروض بالموتيرات الشيطان (ميفيستوفيلس ) بيعرض على جوني انو يشفيلو بيو اذا بيوقع معا معاهدة انو يعطي روحو جوني بيوقع وبينشفى بيو بس بيموت بنفس النهار بعرض الموتيرات جوني بيكون يحبا روكسان وبيكون متفقين على الهرب بيموت بيو بيجي بيترك روكسان وبيهرب وهون بينتقل بالزمن بسرعة لوقت بيصيرو كبار وبتبين ليش وقع الشيطان المعاهدة
جوني بليز بيكون اشهر سائق موتيرات بهداك الزمن بس بنفس الوقت كانت روحو مباعة للشيطان اللي بيكون مختفي كل هالفترة وبعدين بيظهر فجاة مشان يطلب من جوني طلبات يلبيلو ياها جوني يتحول بالليل لوحش ناري وبالنهار بيرجع طبيعي
الفلم مليء بالاثارة والمشاهد الحلوة كمشاهد تحول جوني من وحش لانسان وبالعكس
نصيحة حضرو ما بتندمو
