[fofo besset syria]

الموضوع حلو بس وانا عم جاوب خطر ببالي شي انه انا لما كون بحب الشخص كل هاي المواضيع راح اتخطاها معو واكيد ما راح حبو الا لأنه ملبي كل المتطلبات الي عندي وخارط مشطي عالمزبوط

بس راح كمل اجوبة

1 - هل ترفضينة لأنه لا يصلى ؟

لأ ما عندي مشكلة يصلي ما يصلي هوة حر كل مين دينو الو!!!
لا بتدخل بدينو ولا يتدخل بديني

2 - هل ترفضينة لأنه يدخن ؟

أكيد لأ....برفضو ازا ما كان يدخن

3 - هل ترفضينة لأنه يعاكس الفتيات ؟

لأ ما دام محترمني ادامي وبوجودي وبحبني انا عادي وما دام ما بتعدى الموضوع الفرجة والتعليق من بعيد لبعيد

مافي شب ما بطلع ببنات بس انه يطله معن او يحكي معن اكيد لأ

(مرات نحنا البنات بنطلع عالبنات وبنتفحصن بقا الله يعين الشبااب)

4 - هل ترفضينة لأنه بخيل ؟

اكيييييييييييييييييييييييييييييييييييد كلشي ولا البخل!!


5 - هل ترفضينة لأنه مهزوز الشخصية ؟

كمااااااااااااااااااااااااااااااااان اكييييييييييييد شو بدي فيه بشخصية مهزوزة!!

6 - هل ترفضينة لأنه لايعمل ؟

اي اكيد لأنه هوة الرجال و هوة لازم يتحمل المسؤولية الاكبر بالبيت

بس ازا كان بشتغل وبعد ما وافقت عليه صارت معو ظروف وترك شغلو ما عندي مشكلة!!!

بلاقي غيرو(غير شغل مو غير شب)
7 - هل ترفضينة لأنه سيسكن مع أهله ؟

ما بعرف بظن اي لأنه كل وحدة بتحب تكون الها خصوصية ببيتها!!يعني لو غرفة لحالنا احسن من قصر مع اهله او اي حدا تاني

ما بعرف مو متأكدة . ازا بحبه كتير اتنازل عن هالشرط


8 - هل ترفضينة لأنه فقير ؟

اكيد لأ ..المهم يكون قادر يأمن متطلبات الحياة الاساسية والباقي مو كتير مهم...(طبعا هاي ازا بحبه)

9 - هل ترفضينة لأنه مريض ؟

حسب المرض

10 - هل ترفضينة لأنه عصبى المزاج ؟

لأ..بعرف هديله مزاجه

11- هل ترفضينة لأنه يتلفظ بألفاظ سيئة ؟

ما بعرف!!!ازا علي بيغلط اي بس ازا لما يعصب لأ لأنه انا لساني متبري مني لما عصب

12- هل ترفضينة لأنه لايهتم بمظهرة ونظافتة ؟

اكيـــــــــد

13 - هل ترفضينة لأنه سمين أو نحيف (المظهر) ؟

اي انا بهمني منظرو اصلا اول مراحل الحب هية الانجذاب للشكل وللمظهر فأكيد لازم كزن متقبلة شكلو ما دام راح ضل وشي بوشو طول حياتي


14 - هل ترفضينه لأنه يعانى من إعاقة ؟ (( شلل مثلاً أو لا يسمع أو لا يتكلم ))

لأ (ازا بحبه اكيد)

15- هل ترفضينه لإختلاف اللون ؟

ما فهمتا هاي!!!!

16 - هل ترفضينه لاختلاف الجنسية ؟

لأ بس بفضل يكون من جنسيتي

17 - هل ترفضينه لو إشترط عليك عدم إكمال الدراسة أو العمل ؟

اي .. لأنه انا ما ضيغت 5 سنين من حياتي لاعد بالبيت انطرو ليجي!!اكيد برفض

18 - هل ترفضينه لأن والدته متسلطة ؟

ازا مأثرة عليه اي


19 - هل ترفضينه لأنك ترينه أخ لك ؟ (( إبن العم - إبن الخال مثلاً ))

اي اكيد
20 - هل ترفضينه لأنه غيور ؟

حسب الغيرة المهم ما تكون تدخل بخصوصياتي وغيرة مرضية مزعجة



بس لاحظت شي كمان بعد ما خلصت اجوبة!!حسيت حالي متل الي عم تدور ععريس وعم تحط شروطها وليييييييييييييييييييييييييييييي!َ!!

صرت مجاوبة ما راح امحيهن

يسلمو عالموضوع