[FIBER]

أولا مشكورين كلكم على المرور وثانيا يلي عم يقول السقوف مو مفخوطة رح اطرشلك صورة لسقف مخبر الكيميا يلي جرة الغاز فيو بضل فاضية وأنت قعود شقلب بهالجرة لحتى تشعل
بعدين يلي عم يقول الدكاترة أغلبهن سوربة فبتحداه لأنو من كل دكاترة الطب البشري يلي عم يعطونا مافي غير دكتور واحد مو عراقي وجنسته مو سورية بل فلسطينية وبالنسبة للمبنى حبيبي هاد مو للسنة الجاية هاد للسنة يلي بعدها مع العلم أنو نحنا هالسنة قاعدين فوق بعضنا بقى كيف السنة الجاية...... والانكى من هادا النصب شغال على أبو موزة يعني إذا بدك تقدم اعتراض على شي مادة بدك تدفع 500 ليرة مع العلم أنو نتيجة الاعتراض معروفة مسبقاً متل ضراط على البلاط

وللعلم دكتور الوراثة تبعنا مهندس زراعي بقى سلملي على هالجامعة ولما تنقطع الكهربا يلي متل ماقلت أغلب وقتها مقطوعة منقعد من شوف السلايدات تحت المجهر باستخدام ضو الموبايل

صدقوني هالجامعة مو نصيحة بنوب بنوب على قولة الاخوة الحلبية