[oliver68]

كاتب النص الأصلي : syria alasad

حبيبي والله انا بعرف انو الفساد عم ياكل من خيرات هالبلد
وبعرف انو السرقة شغالة ع الطالعة والنازلة
وبعرف انو الرزق لناس وناس وانو نحنا هالشعب المعتر عم نشتغل وندرس ليل مع نهار وما عم يطلع بإيدنا شي

بس كمان ما فينا ننكر انو في تطور ببعض قطاعات البلد

طيب إزا كل هالمصايب موجودة ببلدنا شو ضل؟؟؟؟؟ ليش لنضل ساكتين؟؟؟ مين سمح بهالفساد المستشري؟؟؟ بدك تقنعني إنو المسؤؤولين عنا ما بيعرفوا شي؟؟؟ أو بيعرفوا بس مو قادرين يعملوا شي؟؟؟؟؟
و أنا قلتلك إنو مو المشكلة بوجود التطور أو عدمو، المشكلة إنو التطور ما عميتناسب طردا مع موارد البلد، يا أخي عنا موارد متل اوروبا و أحسن، بس البلد عميتطور بشكل بطيء جدا، هي إزا سلمنا إنو يللي عمبصير تطور، و أنا بتحفظ على هالشي، لأن لهلأ الجامعات ما عمبتخرج كفاءات بتنافس خريجين دول العالم المتطور، و أنا برأيي الشخصي هادا معيار التطور (التحصيل العلمي)، و على أساسو تطورت أوروبا و أميركا.

كاتب النص الأصلي : syria alasad

والقضاء ع الفساد ما بيصير بيوم وليلة

وبكل الاحال هي بلدنا وبدنا نطول بالنا

وشكرا الك اخي

طيب شو مشان صرلوا أكتر من 30 سنة؟؟؟؟؟ كمان القضاء على الفساد ما بصير بتلاتين سنة؟؟؟؟؟ الفساد دخل عسوريا و استفحل فيها و بشعبها خلال كام سنة، بس ليش بقي عقود من الزمن؟؟؟؟؟؟؟
و كمان إنتي قلت إنو البلد "بلدنا"، يعني ملك الشعب، يعني "سوريا الشعب" مو "سوريا الأسد".
بالآخر يا صديقي انا ما عندي شك أبدا بحبك للبلد، و أنا متأكد إنك بتحب البلد متل أي مواطن شريف، و بتحب البلد متلي و يمكن أكتر مني كمان، و تفاؤلك رغم كل هالعقبات هوي أكبر دليل على هالشي، و إنشالله يجي اليوم يللي نشوف فيه سوريا متل أي دولة أوروبية متطورة بعلما و شعبا.
و الشكر إلك أخي